Ausgetrogt

Guete Morge

so, iz isches sowiit. Es ist ausgetrogt. Dr letschti Trog fingt am Samschtig am 21.12.2013 statt. Ziit Merci und Adieu z'sägä!

Hiä no es paar Zahle. vilech interessiere si nech ja :-) u wenn nid, chöiter ja abescrolle!

- 79 Trög hets gäh
- 103 verschiednigi Lüüt si cho
- Spitzeriiter ir Awäsäheit si dAnsch (79), dr Chrigu (63), dPetra (27), Cyru (22), dSäru u dr Nicu (je 18).
- 6 vo 7 Plätz si im Schnitt bsetzt xi
- Einisch isch dr Trog ir Ziit xi

Jup. Das wärs öppe. Somit bliibt mir no z'letschte Menü:

Apero:                        Es Einsams Lamm
Vorspiis 1:                   Es dopplets Coquille
Vorspiis 2:                   Es drüüfachs Ravioli (vegi)
Houptspiis:                  Es vierfachs Rot (Fleisch: Rind)
Dessert:                      Eh füflagigi Läckerei

Für dVegis gits:
- es einsams Geiss-Chäsli
- es dopplets Süppli
- es vierfachs Pilz-Arrangement

dr Räschte sötte dVegis chönne ässä! Ei Gang meh heisst o öppis tüürer: 35.- für dKarnivore, 25.- für dHerbivore. Wii müesster o z'letscht Mau säuber mitbringe! Afoh dued dr letscht Trog am 18:30 Uhr.

Hiä dr Link: http://doodle.com/v2nx4ipbk2qnv7kv

Merci aune viu Mau fürs cho! Het Spass gmacht!

Cheers und Adieu!

El Trog

Trog vom 19. Dezämber

Hellöu

So, no zwe Trög gits u när isch fertig. dr zwöit letscht het wieder einisch es Asiatischs Motto. I mache no einisch eh Japanisch aghuuchte Trog!

Was gits?

Apero:             Eggrolls (u zwar nid so wi in Amerika)
Vorspiis:          Äuä es Miso-Süppli :-)
Houptspiis:      Wasabi-Forelle mit Saké-Risotto und Pak-Choi
Dessert:           Lavendel-Mousse mit Aprikosen

Jup, das gits! We de Vegis das rächt wäri, de gäbts eh Wasabi-Tofu. I cha aber natürlech o öppis angers mache, just let me know!

Hiä wäri dr Link:

http://doodle.com/tswmmgu8d9hgty6y

I wünsche öich eh schöne Nami! und natürlech när es schöns Wucheänd!

ürsu

Eh wüudä Trog

Schiff Ahoi

so, es naht em Ändi! Am Samschtig isch dr drittletst Trog! Es git, dr Saison entsprächend öpps Wüuds :-)

Hiä wäri z'Menü wo öich am Samschtig, 14.12.2013 kredenzt wird:

Apero:                    Jägerbrot
Vorspiis:                 Fischersalat (warmi Peperonistreife und Lachs)
Houptspiis:             Wild mit Spätzli, Rotchruut, Röseli-Chöli und Marroni mitere Preiselbeersauce
Dessert:                  Tee-Glacé mit Rotwein Zwetschgen

Für dVegis gits as Houptspiis statt z'Wüud äs Pilzragout und zur Vorspiis weissis no gad nit. Natürlech ou öppis uf Peperoni. Vilech es Chäsli oder so öppis. Das muessi mer no überlegge!

Hiä wäri dr Doodle Link für nech azmäude:

http://doodle.com/3g9kgqy66rfy3b7f

dr Trog fingt zwar amne Samschtig statt, aber es isch kei Biär-Trog... oder z'mingst fingi das Wii besser passt. Auso, bitte es Wiili mitbringe!

Bitte beachte: mir gö am Sundig früeh go boarde und drum fingt dr Trog am 18:30 statt. Wenn das öpperem z'früeh isch, bitte mäude. I dämfau würdi när es SMS mache!

Häbät eh gueti Wuche

cheers

ürsu

Dr "i has scho" Trog

Schiff Ahoi

Mir chunt keh schlaui Houptspiis meh i Sinn, aber i muess doch dr Trog ufschalte... somit machi öppis woni gad gar nid gärn mache. i schalte Mau was uf, aber dHouptspiis isch haut no nid drbii...

Apero:           Blätterteig-Dinger mit Lachs und igleite Chrübis/Zucchetti
Vorspiis:        Pilzravioli de la Casa mit Tomatesauce und säubergmachten Brot
Houptspiis:    Jajajajajajajjaa... i weiss gad nüd schlaus
Dessert:         Schwäbus Vermicelle

So, i hoffe dir chömet glich und wünsche öich eh schöne Abe:

http://doodle.com/v73ig99zx9svqat3

Gruess

ürsu

Thai-Trog

Sawatikaa (oder so öppis)

Am Samschtig, 30.11.2013 gits wieder Mau eh Motto-Trog. Und das Mau isches, passend zum Start vo üsere Reis, dr Thai-Trog. i weiss, s'het scho mängisch Thai gäh, aber isch mer gad glich :-)

Was gits de so?

Apero:                Summer Rolls mit Sweet-Sour und Erdnuss-Sauce
Vorspiis:              Zitronegrassuppe mit Pilz-Ravioli
Houptspiis:          Schwiinsfilet mit Gmües a Oyster-Sauce und Fried Rice
Dessert:              Tarte au Citron

Jaaaaaa... so isch das :-)

@Vegis: dir döft mer no mitteile was der gärn as Houptspiis hättät! Tofu, es Thai-Omelettli oder süsch öppis wo dr Gluscht heit!

Hiä wär dr Link zum amäude:

http://doodle.com/e3az2w4n44dxbief

Wasi no sötti wüssä isch öb dr Biär wettet derzue, oder liäber Wii bringet!

Schöne Nami

ürsu

Trog vom 20. Novämber

Aloha

Am 20.11 gits dr nächst Trog. Faus dr wettet cho, hiä wäri z'Menü:

Apero:           Double Tartar
Vorspiis:         Überbachnigi Bouillon mit Gmües und Crevette
Houptspiis:     Bratwurst mit Rösti, Zibelesauce und Bohne
Dessert:         Vanille-Cornet

DVegis chöme Flädli id Suppe und natürlech Vegi-Tartar und eh Vegi-Wurscht. Für dFleischfrässer: dir chöntet mer no sägä was dr für ne Wurst wettet. Eh Kalbs- oder eh Schwiinsbratwurst.

Hiä wäri dr Link für nech azmäude: http://doodle.com/8cr5r392uhq2guqg

Schöne Sundig

ürsu

Trog vom 13.11.2013

Guete Morge

Zwar chli verspätet, aber iz doch no! Z'Menü füre Trog vom 13.11.2013!

Es isch zwar keh Motto-Trog, aber es git glich eh motto-artigi Läckerei!

Apero:             Curry Süppli mit Shrimp

Vorspiis:          Summer Samosas mit Chutney

Houpspiis:       Hüehnli mit Naan-Brot

Dessert:           Schoggi-Banane Samosa

Es dönd aus chli ähnlech, aber gloubet mer, das wird eh Läckerei! Und es het de sicher z'einte oder angere unerwartete dinne!

DVegis chöme es Okkra id CurrySuppe und statt Hüehnli chöi si uswählä öb si Paneer, Chürbis oder Bluemchöhli wei!

Hiä isch öie Link:

http://doodle.com/cc38p3z72pvskwr9

Schöne Sundig

Ürsu

Trog vom 7.11

Schiff Ahoi

Am Donschtig, 7.11 hani für öich fougendes Menü usdänkt:

Apero:                     Tüüfeli (mit Cream-Cheese gfüllti Mini-Peperoni)
Vorspiis:                   Pilz-Omelettli mitemne Mini-Salat
Houptspiis:               Rinds-Filet mit Härdöpfugratin und Rotwii-Jus (gmües bini no unschlüssig)
Dessert:                   Marronen-Creme mit Mocca-Häubchen

dVegis chöi ja hiä fasch aus ässä :-) usser natürlech z'Rindsfilet! Ded gäbs eh Gmüesturm us Spinat, Eierschwämmli und Peperoni. Jawoll.

so... hiä chönteter nech amäude:

http://doodle.com/fvzbd5qdnawutabm

Jo, i gloub das wärs öppe!

häbät es schöns Wucheänd

ürsu

Trog vom 31. Oktober

Guete Morge u Happy Friday

Am Donschtig, 31. Oktober isch der nächst Trog und i ha fougendes Menü ufem Plan:

Apero:               Mini-Roulade mit Lachs
Vorspiis:             Morchle uf Blätterteig
Houptspiis:         Poulet are Honig-Späck-Thymian Sauce mit Süesshärdöpfustock und Ofe-Rande
Dessert:             Zwätschge-Sablé mit Thymian Glace

Für dVegis gits statt Lachs ir Roulade grillierti Aubergine und as Houptspiis machi wieder Mau, ganz uninspiriert es Vegi-Blätzli. I hoffe das de Vegis das o rächt isch. Ihri Sauce isch natürlech di glichi, aber eifach ohni Späck.

Hiä wär dr Link für dAmäudig:

http://doodle.com/749an5iesh448dwq

Häbät es schöns Wucheänd.

cheers

ürsu

Trog vom 23.10

Schiff Ahoi

am 23.10 gits dr nächst Trog und es git fougendes z'spachtle!

- Feta-Louch Röuäli
- Linse-Salat mit Äntebrust/Pouletbrust
- Lachs uf Spinet-Bettli mit Couscous und Aprikose-Sauce
- Schoggi-Turte

Jawoll!  I hoffe das passt nech und gibe nech hiä no dr Doodle-Link ah:

http://doodle.com/rrb6keh6sfpg3whf

Schöne Hinech und schöne Sundig!

ürsu

Motto Trog: Irish

Guete Morge

Am Samschtig, 19. Oktober gits wieder einisch eh Motto-Trog! Das Mau si dIrländer dranne und es git fougendes:

Apero:               Ärbsäsüppli mit Lachswürfel
Vorspiis:             Mini-Sheppard's Pie
Houptspiis:         Lamm mit Louch-Härdöpfu-Mash, Cider-Rüebli und Whisky-Sauce
Dessert:              Guiness-Glace

Yeah... i hoffe das chunt guet. DVegis berchöme statt es Lachs-Würfeli es Croutons, statt Hackfleisch im Sheppard's Pie es Gmüesragout oder Vegi-Hack und i Iirischer Tradition gits no öppis mit Minze für si... nämlech es Minz-Omelett mit Cheddar-Cheese.

So... i hoffe das spricht öich ah, das Menü:

http://doodle.com/86qtsrn9kmqe9z5r

hiä wäri dr Link für nech azmäude!

Und agäh müessteter mer no öb dr Biär weit oder weit Wii bringe... as Biär gits natürlech Guiness und no öppe öppis angers iirischs... di hei ja no paar Sache :-) ah, und vilech o no es Cider... i'll see what i can get.

Häbät eh schöne Tag

ürsu

Trog vom 9. Oktober

Guete Morge

I wär nache fürs Wucheänd, chame sägä :-(

Bevori cha ga, dafi aber no paar Stung i Bunker ga hocke und vorhär wetti öich no fougendes verzöuä! Z'Menü vo nächst Wuche, Mittwuch 9. Oktober 2013:

Apero:               Fondue-Chüechli
Vorspiis:             Portwein-Feigen mit Geflügelstreifen
Houptspiis:         Egli-Filets uf Louchbettli mit Süess-Wii Sauce und Quinoa
Dessert:             Schoggimousse

Für dVegis gits es Geiss-Chäsli uf dere Fiige und zur Houptspiis statt em Fischli probieri im Bachofe Kürbis-Randen-Härdöpfu Rondelle z'mache :-)

@Oli: Ja, Schoggimousse mit dunkler Schoggi... di wissi gits nüm :-)

Hiä wär dr Doodle-Link für nech azmäude:

http://doodle.com/ca8eaxyqzrbdbi7x

Bringet dr Fritig guet düre und schöns Wucheänd

ürsu

2. Motto-Trog

Seid gegrüsst,

bevori mi gägä Süde verabschide, wetti doch no dr Trog ufschalte... de chöit dir nech ou lang überlegge öb dir weit cho oder nid :-)

am Samschtig am 18. Mai findet dr 2. Motto-Trog statt! Z'Land wos das Mau git isch Italiä :-) Das hets zwar scho nes paar Mau gäh, aber isch haut immer wieder eh Klassiker...

Ds Menü xeht wi folgt us:

Apero:                 Meatballs in Tomatensauce                                      

Vorpeise:              Spaghetti al Pesto

Hauptspeise:         Filetto di Manzo mit Balsamico Jus und Zucchetti 

Dessert:                Himbeertorte

Bier:                      Perroni, Moretti

dVegis chöme natürlech ou öppis... u zwar statt Meatballs eifach Vegi-Meatballs :-) we si hei vom bio-Lädeli und süsch haut diä usem Migros. U zur Houptspiis gits für dVegis Melanzane :-)

ah, u bevor grüsslet wird :-) i mache dSpaghetti säuber... aso Spaghetti fatto en casa, eh!!! jedes einzelne wird mit Liäbi härgstöut :-)

So... hiä wäri dr link für nech azmäude:

 http://doodle.com/6v6entv72kistnvf

Bitte vermerke öb dr mit Biär weit, oder öie Wii säuber mitbringet.

Have a good day, enjoy the sun

ürsu

Trog vom 3. Oktober

Ahoi Allerseits

Zrügg us Ungarn machi mi gad wieder ad Trog-Arbeit! Am Donstig, 3. Oktober gits:

Apero:           Schinkegipfeli

Vorspiis:        Chürbissuppe mit Chürbisbrot

Houptspiis:    Kalbsfilet auf Ratatouille mit Nudle are Pilzsauce

Dessert:         Apfelstrudel mit Vanillesauce

DVegis berchöme Chäs-Gipfeli as Apero u zur Houptspiis es Spiegelei uf ihrem Ratatouille!

We nech das Menü passt, schribet nech doch ih :-)

http://doodle.com/2fhbg9gb8hafid9a

Churze Nami

Ürsu

Trog - ToGo

Schiff Ahoi (zum letschte Trog-Newsletter)

Auso, i mäude mi z'letscht Mau pär Mail füre Trog. i ha no dDate festgleit für Trög bis ar Wiähnachte und hiä wärä si:

Trog Datum	Doodle Datum
Donschtig, 3. Oktober	Mändig, 30. Septämber
Mittwuch, 9. Oktober	Fritig, 4. Oktober
Samschtig, 19. Oktober	Dsistig, 15. Oktober
Mittwuch, 23. Oktober	Sundig, 20. Oktober
Donschtig, 31. Oktober	Fritig, 25. Oktober
Donschtig, 7. Novämber	Fritig, 1. Novämber
Mittwuch, 13. Novämber	Samschtig, 9. Novämber
Mittwuch, 20. Novämber	Sundig, 17. Novämber
Samschtig, 30. Novämber (das isch no nid sicher)	Dsistig, 26. Novämber
Mittwuch, 4. Dezämber	Sundig, 1. Dezämber
Samschtig, 14. Dezämber	Mändig, 9. Dezämber
Donschtig, 19. Dezämber	Fritig, 13. Dezämber
Samschtig, 21. Dezämber	Dsischtig, 17. Dezämber

I hoffe dir finget no es paar Date wo öich göh.

dNachrichte und dDoodle-Date wärdä eifach ufem Blogg ufgschelte und chöme nüm as Mail.

dDate am Wucheänd si immer no Motto-Trög wos öppis git wo Biär derzue passt, wie gehabt.

ds leschte Datum isch dr Wiähnachtstrog und ded wirds öppis speziells gäh... so nes Candle-Light Dinner oder so :-)

und no Wärbig i eigeter Sach: am Mittwuch am 25.9 gits ou eh Trog und dä hätti no Platz :-)

i wünsche nech es schöns Wucheänd!

ürsu

Trog vom 25. Septämber

Schöne Donschtig!

Es git trotz mine Ferie vo nächst Wuche am Mittwuch 25. Septämber no eh Trog...

fougendes Menü wird denn kredenzt :-)

Apero:                    Meatballs mit Tomatesauce
Vorspiis:                  Ruccola-Salat mit Fiige, Büffelmozzarella und Rohschinke
Houptspiis:              Saltimbocca mit Balsamico-Jus, Zucchetti und Risotto
Dessert:                  Tarte aux Myrtilles

dVegis berchöme eigetlech z'gliche :-) Eifach Vegi-Meatballs vom Bio-Lädeli, Salat ohni Rohschinke und statt em Satlimbocca gits eh Auberginen Parmigiano (Aubergine i Tomatesauce mit Parmesan überbache).

hiä wäri dr Doodle-Link für dAmäudig:

http://doodle.com/3xiviaiuxnu4ir3e

Guete Räschte, churze Fritig und schöns Wucheänd

ürsu

Trog vom 19. Septämber

Hellöu

Am Donschtig am 19. Septämber gits am Trog fougendes Menü:

Apero:             Tomate-Mozzarella Terrine (mitemne Foccachia)
Vorspiis:          Fischli ufemne Rande-Carpaccio
Houptspiis:      Entrecote mit Chrüterbutter, Peperoni, Sweet Potatoe-Schnitze und Sour-Cream Sauce
Dessert:           Caramel Glace mit Fleur de Sel

Vegis: dir berchömet statt emne Fischli eh warme Geiss-Chäs und statt Entrecote eh Pilz-Spiess!

Hiä wäri dr Link für nech izschribä:

http://doodle.com/9zct48ufu7gixbmt

Guete Usgang Hinech u morn eh gmüetlech Sundig

ürsu

Nume Hits

Hello All

dZiit vom Trog neigt sech am Ändi zue! Es wird no 15x öppis Trog-mässigs z'ässä gäh, bevor dAnsch und ig üs verabschiede. Zu dene 15x möchti no eh Anekdote verzöuä vomne Maa wo dr Name Trog prägt het!

Mir si am Gurte xi ga ne Bänd luege wome gemäss ihrem Name cha ässä... Smashing Pumpkins oder uf Schwiizerdütsch: Chürbis-Stock. Entsprächend ihrem Ruef si si de ou erstuunlech enttüschend xi... aber öppis isch mer im Chopf bliibe vo däm Konzärt... ds Mandli am Mikrophon het zwar keh Wort zum Publikum xeit, aber es het (Zitat Götschi) "Nume Hits" gspiut.

Und das söu ou ds Motto vo dene letschte Trög si: Nume Hits. I wott nüm würk Sache usprobiere sondern ds Beste woni ha gmacht no einisch mache. I ha probiert 15 Menüs zämäzstöuä und di fingeter as Excel-Attachment a däm Mail aghänkt (uf dWebsiite hani se leider nid chönne ufschalte). Es wird di Menüs nid dr Reihe nah gäh, dNr ghöre immer zämä (aso aui 1 si es Menü etc.) und di grüene si dMotto-Trög - schliässläch bruucheter ja o no chli eh Überraschig.

Zerste Menü gits am Fritig: Karibische Trog! Es het no Platz faus dr wettet cho!!!!

http://trog-bei-urs.blogspot.ch/2013/09/motto-trog-karibik.html

Di nächste Date vo de Trög woni no ha si:

- Donschtig, 19. Septämber
- Mittwuch, 25. Septämber

für di nöie Date machi nächär eh Liste und wirde nech när z'letschte Mau mit somne Trog-Newsletter beglücke!

häbät eh schöne Abe und bis glii

ürsu

Motto-Trog - Karibik

Schiff Ahoi und guete Start i Mändig

am Fritig, 13.9. gits wieder einisch eh Motto-Trog am Wucheänd und ds Motto vo dere Wuche isch Karibik und Karibikanreiner :-)

ds Menü xeht wi folgt us:

Apero:                        Coquille ufere Mango-Salsa
Vorspiis:                      Ceviche
Houptspiis:                  Kreolischer Fisch mit Riis u Bohne, derzue eh Habanero-Sauce
Dessert:                       Vanille-Panna Cotta mit Maracuys-Caramel

Biär:                             Crystal und Buccanero (us Cuba)

Für dVegis gits zur Houptspiis vorussichtlech öppis läckers mit Gmüesbanane, dCeviche wird mit Champignon si und zum Apero weissi no gad nid wases ded git, aber i ha ja no fasch eh Wuche Ziit!

Hiä wäri dr Doodle-Link:

http://doodle.com/9fm8sagtzrn2k5n7

Bitte agäh öb der mit oder ohni Biär weit und öb der Vegi siit oder nid.

I wünsch nech eh guete Start id Wuche und bis glii

ürsu

Trog vom 4. Septämber

Hallo

dr nächst Trog fingt am Mittwuch, 4. Septämber statt und i ha dänkt i mache fougendes Menü:

Apero:                        Zwöifarbigi Blätterteig-Schnäggä
Vorspiis:                      Biälersee-Hecht ufemne Gmües-Carpaccio (do weissi no nid gnau was für eis)
Houptspiis:                  Brathähnchen mit Gmües und Quinoa
Dessert:                      Nuss-Schnitte (vilech gits de ou öppis angers - da bini no nid so überzüügt derfo)

Jäjo... für dVegis bini no gad überfragt :-) statt Brathähnchen, das chani scho iz sägä gits Summergmües usem Bachofe. Höchstwahrschiinlech passt ded es Chäsli oder so guet derzue! Statt em Hech muessi mer no öppis überlegge. sorry!

hiä wäri dr Link für dAmäudig:

http://doodle.com/qy6dubfh3dwdh3he

und de wünschi öich eh schöne Füürabe

ürsu

Motto Trog: Balkan (Südost-Europa)

Guete Mändig-Morge

Me cha sägä dr Herbst isch cho :-)

schön...

Am Samschtig gits dr nächst Motto-Trog und dä heisst Balkan (resp. Südost-Europa das sech niämer kränkt fühlt abem Menü)... u ds Menü isch:

Apero:           Cevapcici mit Ayvar und Früehligszibeli (füre Nik)
Vorspiis:         Börek mit Salat (fausi di Dinger no cha wi Eno's Mam mer das glehrt het)
Houptspiis:     Filet-Döner (resp. Filet Dürüm - je nachdäm wasi für Brot überchume)
Dessert:          Baklava mit Honig-Glace

Für dVegis gits natürlech Vegi-Cevaps und statt Filet-Döner gits entweder Gmües-Döner oder de Falafal für dri... das luegi no!

Auso... hiä wäri dr Link zu Doodle:

http://doodle.com/xrnbmpkd4qyiekyx

Wi dr xeh heit isch 18:30 itreit... wenn öpper vo öich wo chunt nid so früech cha, de chaner das sägä u de chöimer de süsch no luege... kein Problem!

Biär gits kroatischs (gloub ämu das isch vo ded): Karlovacko

Chöiter bitte no dri schribä öb der mit Biär wettet? und öb der Vegi sit!

So, i wünsche öich aune eh schöne Tag

ürsu

Il Classico

Ciao a Tutti

Mit Entsetze hani festgstöut, dasi no niä eh richtig geili Lasagne ha gmacht am Trog... eh Klassiker wo isch ungergange... ai ai ai...

drum wird das nacheghout... natürlech...

Nächst Wuche, am Donschtig am 22. Ougust gits fougendes Menü:

Apero:               hani no nid definiert - öppis liächts :-) 
Vorspiis:            Caprese-Suppe
Houptspiis:        Lasagne
Dessert:             Es wiisses Schoggimousse Mau angers

Yeah, i hoffe das passt öich :-)

hiä wäri dr Link für nech azmäude:

http://doodle.com/tg96i8riix3tzam8

dVegis döfe no usläsä was si für ne Lasagne überchöme! Entweder gits eh klassischi (mit drei Stöck Gmües) oder es git eini mit drei verschidnige Stöck (Pilzli, Peperoni, Misch-Gmües).

So... das wärs, i wünsche öich aune es schön sunnigs Wucheänd

ürsu

Trog im Ougust/Septämber

rüessech

So, zrügg us de Summerferie und wieder voller Trog-Tatendrang. Hiä chöme dDate bis zu mine nächste Ferie :-) und ds Menü vo ächster Wuche!

Auso… z’ersch Mau dDate:

Trog Datum	Doodle Datum
Donschtig, 15.08.2013	Fritig, 09.08.2013
Donschtig, 22.08.2013	Fritig, 16.08.2013
Samschtig, 31.08.2013	Mändig, 26.08.2013
Mittwuch, 04.09.2013	Donschtig, 29.08.2013
Fritig, 13.09.2013	Mändig, 09.09.2013
Donschtig, 19.09.2013	Samschtig 14.09.2013
Mittwuch, 25.09.2013	Donschtig, 19.09.2013

Ds Menü für nächst Donschtig xeht wi fougt us… es het wieder Mau müesse asiatisch si… drum hiä:
Apero:                           Summer Rolls (scho Mau gha, aber das Mau mit Coquille St. Jacques für Fleisch u Fisch-Ässer und scharfem Tofu für dVegis)
Vorspiis:                         Sate-Spiässli ufemne Frucht-Salat
Houptspiis:                     Grüens-Fisch Curry mit Riis (für dVegis es Okra-Gmües Curry)
Dessert:                         Es Zitrus-Crepe mit emne Zitrone-Gras Sorbet

Yeah… chömet zahlriich und wieder Mau dr Apell… sägät doch das o öine Fründe, Familiämitglieder oder angerne Lüüt! Oder nämät se eifach mit :-)

Hiä wäri dr Doodle Link für nech azmäude für nächst Donschtig:

http://doodle.com/x5kwxig4ddxcqd3t

I wünsche nech aune es schöns Wucheänd

ürsu

Gurte Trog :-)

Ahoi a däm schöne Summer-Fritig

Nächst Wuche gits no dr letscht Trog vor de Summerferie :-) Eh Gurte-Trog... da ja schliässläch Gurte-Festival isch... z'Menü het zwar nid viu mitem Gurte z'düe, aber das passt ämu as Name :-)

Dr Trog fingt am Mittwuch, 17. Juli statt und z'ässä gits:

Apero:            Tripple Crostinis
Vorspiis:          Summer-Salat mit Mozzarella, grillte Nektarine, Rohschinke, Halllumi, Sprosse etc.
Houptspiis:      Piccata Milanese mit Nüdeli und Tomate-Sauce
Dessert:           Ääpbeeri Panna Cotta oder Ääpbeeri Tiramisu - ämu öppis mit Frücht :-)

So... i gloub das wärs... chli italiänisch und sommerlech aghuuchet! Das isch doch Mau öppis bi däm schöne Wätter :-)

Hiä wäri dr Link für nech azmäude:

http://doodle.com/8wyf4x7g3m2haccu

So, eh churze Räschte und de ab is Wucheänd

ürsu

Trog Morn, Trog Mittwoch und nächsti Trög

Guete Tag

dr Summer chunt, entsprächend ou z'Menü vo nächster Wuche:

Apero:                Sommer-Samosas mit Minz Chutney

Vorspiis:              Zitrus-Salat mit gerösteten Pinienkernen an Soja-Limetten-Ahornsirup Dressing und Fischli

Houptspiis:          Kalte Glasnudeln mit Rindfleisch-Streifen

Dessert:              Do isch mer no gad nüd i Sinn cho - aber das chunt de sicher no... dir döft ou Inputs gäh :)

dä Trog fingt am Mittwuch, 10. Juli statt und hiä hättäter afe dr Doodle-Link:

 http://doodle.com/yma975yq2xmuhigt

morn (05.07.2013) gits ou eh Trog wo no Platz hätti... ded gits eh fetti Grillade :-) faus aso öpper dr Summerabe uf dr Terasse bi mir wott verbringe... mäudet nech doch no ah:

Fürs Menü:       http://trog-bei-urs.blogspot.ch/2013/07/3-motto-trog-der-gegrillte-trog.html

Fürs Doodle:    http://www.doodle.com/ib6csaa2vx27hqx8

Vor mine Ferie gits no einisch eh dritte Trog u dä fingt am Mittwuch, 17. Juni statt. Haut scho wieder eh Mittwuch, aber i gange am Donschtig ufe Gurte und drum... sorry folks!

När wäre miner Ferie axeit und dr nächsti Trog gits am Donschtig, 15. Ougust. Aber bis denn wirdi nech sicher wieder mitemne Mail oder so belästige!

Ah... u faus drs no nid xeh heit... so macht me eh Trog :-)

http://trog-bei-urs.blogspot.ch/2013/06/how-to-trog.html

i wünsche nech aune es guets Wucheänd und hoffe dr Summer chunt u bliibt iz es paar Wuche!!!

cheers

ürsu

 

4. Motto-Trog: der gegrillte Trog

Schiff Ahoi Allerseits

Nachdäm mer am Wucheänd ordentlech verschiffet u verschlammt si worde, isch iz doch wieder Summer worde...

Das rüeft nachemne Trog uf der Terasse! Vor Jahre het mer Mau öpper vorgworfe, dasi nid cha grille. Däm möchti iz es Ändi setze!

Am Fritig, 5. Juli gits dr Motto-Trog: der gegrillte Trog!

was gits?

Apero:            Curry-Wurst mit Chili-Brot (derzue Tannezäpfle-Biär)
Vorspiis:          Sliders (Mini Burger) mit säubergmachte Milchbrötli (derzue Sierra Nevada Pale Ale)
Houptspiis:      Chuletas (Cotelette-Braten) mit Süesshärdöpfu-Stock und grillte Zucchetti
Dessert:           Tarte Tatine mit Zimt-Glace

Für dVegis gits eh Vegi-Curry-Wurst, eh Halumi-Mango Burger und gfüllti Pilze mit Cream-Cheese, Olive und tröchnete Tomate. U fauses nid klappt mitem Dessert ufem Grill z'mache gäbs as Alternative es Blätterteig-Öpfu Chüechli usem Bachofe :-)

We dr keh Platz me heit im Doodle, de schribet mer doch schnäu. De chöimer luege öbs no längt für paar meh!

http://www.doodle.com/ib6csaa2vx27hqx8

ah... mir föh das Mau am 19:00 ah... denn isch ja dSunne no chli länger devore! Bitte wi immer mitteile öb der mit Biär oder ohni Biär wettet.

häbet eh gueti Wuche

ürsu

How To Trog

Faus dir weit wüssä, wi das so geit mit emne Trog, hiä wäri mau eh Ziitraffer vomne ganze Abe! Viu Spass!!!

@Cyru: Merci für dGoPro
@Fräne: Merci für Tool-Hilf

Trog vom 25. Juni

Ahoi

Gemäss Information vom Herr Liänhard hätti das scho geschter söuä ufschalte... drum iz haut hüt am Morge :-)

dr Trog nächst Wuche fingt, ufgrund vo mim St. Galle Ufenthalt, scho am Dsischtig statt... vilech chöi jo denn glich es paar Lüüt.

Fougendes Menü hani usdänkt:

Apero:                       Chalti Mango-Suppe mit Koriander Croutons
Vorspiis:                     Artischocke mit säubergmachter Mayo und Anti-Pasti Brot
Houptspiis:                 Spaghetti di Mare
Dessert:                      Vanille-Glace mit salzigem Caramel und Marrons Glacée

dVegis chöi usläsä uf was si Gluscht hei (we me as eine chunt, de zöut dMehrheit):
- Tomate, tröchneti Tomate und Mozzarella
- Verschiedene Pilze
- Zitronesauce

Hiä wär dr Link zum nech amäude:

http://doodle.com/74t4q52vdvmccs92

Schöns Wucheänd

ürsu

Trog vom 20. Juni

Guete Morge

Bi gad chli im Schuss, drum nume es paar Wort:

Dr Trog fingt am 20. Juni statt und z'Menü xeht wi folgt us:

Apero:           Öppis Ufgspiessts (wird no entwicklet)
Vorspiis:        Eh grüeni Kollektion (Gurke, Spargle und Zucchetti)
Houptspiis:    Lammracks mit Minz-Zitrone Butter, Rosmarin-Härdöpfeli und Ratatouille
Dessert:         Erdbeer-Törtli (oder eh Torte)

Hiä wäri dr Link zum amäude:

http://doodle.com/kd5h47z8tyv6p2t3

Und los... schöns Wucheänd

ürsu

3. Motto Trog

Ahoi

I ha dr Motto Trog vom nächste Samstig ufe Fritig müesse vorziäh :-)

Chöit am Schwäbu danke, i danke ihm ämu härzlech! I cha nämlech am Samschtig mit ihm go Muse luege! Wäutklass!

Aber zrügg zum Trog... i ha no Sektionsusflug am Fritig und ha drum nid so lang Ziit zum vorbereite... drum gits ds Apero nächst Fritig, 14. Juni 2013 am 1945 (u äuä würk keh Sekunde vorhär).

As Motto machi das Mau Mexikanisch :-)

Motto Mexico

Apero:                  Quesadillas (mit Zibele und Peperoni), Guacamole und Salsa Piccante

Vorpeise:              Shrimp Pancake mit Avocado-Salat 

Hauptspeise:         Hackfleisch Enchiladas mit Salsa Verde

Dessert:                Mango-Macaron Torte

Bier:                      Dos Equis, Negra Modelo, Pacifico

Vegis chöme statt Hackfleisch gmischts Gmües!

So, i hoffe dir chömet trotz der Termin-Verschiäbig... im Übrige hani do no gad eh zwöiti... dr nächst Motto-Trog fingt nid am 6. Juli, sondern am 5. Juli statt :-)

Hiä wäri dr Doodle-Link:

http://doodle.com/ewiwm9e8txh2nr8u 

Bitte wi immer bim Motto agäh öb dr mit Biär oder mit säuberbrachtem Biär/Wii wettet.

Guete Start id Wuche

ürsu

Trog vom 6. Juli

Hallo

Bevori mi morn am Morge für 4 Täg i Süde verziäh, wetti hüt no z'Menü ufschalte füre Trog vom Donschtig, 6. Juni:

Apero:                 weissi wieder Mau no nid genau - äuä eh Gazpacho (wes evtl. warm isch dusse)
Vorspiis:               Wachtel-Zweierlei uf Linsesalat mit Himbeeressig-Dressing
Houptspiis:           Urs's Paella
Dessert:                Chocolate-Cheesecake

dHouptspiis het eifach typischi Paella Element drinne (Riis, Peperoni, Meeresgetiär, Ärbsli), wird aber speziell gmacht und agrichtet :-)

Hiä wäri dr Doodle-Link:

http://doodle.com/en67iu8hhccc9uit

I wünsche nech es schöns Wucheänd

ürsu

Trog vom 29. Mai 2013

Hellöu

Vor es paar Wuche het mer dr Äschlimaa xeit är fänds o Mau isi, wes nid immer nume Filet gäb, sondern o Mau öppis währschafts... i wett däm iz Mau Rächnig trage u mache drum öppis eifachs :-) am Mittwuch, 29. Mai gits fougendes am Trog:

Apero:            Es Glas Italiä
Vorspiis:          Früehligssalat Mal Anders
Houptspiis:      Bratwurst mit Brathärdöpfeli,  Peperoni-Spiegelei und Zibele-Sauce
Dessert:          Cremeschnitte à la Urs

Dr Früehligssalat het Spargle u Rhabarbere dinne... u äuä no es paar angeri lustigi Sache! isch äuä de schlussändlech meh eh Salat-Täuer :-)

jo guet... i hoffe dir sit nid abgschreckt vo Äschlimaa's Idee und heit gärn Bratwurst. I mache mir eh Schwiinsbratwurst und dir döft natürlech usläsä was dir für öich weit... schribät doch das no gad ad Amäudig:

VW = Vegiwurst
SW = Schwiinsbratwurst
KW = Kalbsbratwu
rst

http://doodle.com/ye3dia3d3ttxzp3p

I wünsche nech es schöns Wucheänd u hoffe dases nid würklech chunt cho schneie!

ürsu

ah... u das dr mi chöit teste... i wett das ds Spiegelei öppe so usxeht ;-)

Japan-Trog und Mai/Juni

Ahoi, Ahoi

I ha mi iz meh as es Jahr dervo drückt... aber iz muessis äuä glich Mau wage :-) I probiere am Mittwuch, 22. Mai 2013 eh Japan Trog z'mache... Was gits as Menü?

Apero:             Wasabi-Ärbse Suppe mitemne Shrimp
Vorspiis:           Sushi-Platter (okay, vilech nid gad eh Platter - aber so 2-3 pro Nase)
Houptspiis:       Udon-Noodles mit Pilz u Gmües u derzue eh Äntä/Tofu are Miso-Sesam Sauce
Dessert:            Grüen-Tee Glace ufemne Schoggi-Bisquit

Dr Link für dAmäudig fingeter hiä:

http://doodle.com/zddyqsvg5zrvybbq

So... u was hani süsch no für nech? eh Wärbig i eigeter Sach... am Samschtig gits eh Motto-Trog wo no nid ganz vou isch... s'het aso no Platz... ds Menü u dAmäudig fingeter unger:

http://trog-bei-urs.blogspot.ch/2013/05/2-motto-trog.html

U wemer dr Knöööödl +1 no chönti agäh öb är/sie Biär wott oder Wii bringt, wäri dankbar! We dr Trog vom Samstig vou isch u dir no wettet cho, schribet mer doch es SMS, Mail oder lütet ah, de chame sicher no öppis mache!

Was no fäuth wärä dDate für di kommende Trög... di hani nämlech o scho und hiä wärä si:

Trog Datum	Doodle Datum
Mittwuch, 22. Mai 2013	Donschtig, 16. Mai 2013
Mittwuch, 29. Mai 2013	Fritig, 24. Mai 2013
Donstig, 6. Juni 2013	Donstig, 30. Mai 2013
Samstig, 15. Juni 2013	Mändig, 10. Juni 2013
Donstig, 20. Juni 2013	Fritig, 14. Juni 2013
Dsistig, 25. Juni 2013 (Usnahmswiis Dsistig)	Donstig, 20. Juni 2013

 So... häbät eh schöne Tag

gruess

ürsu