Dezämbertrög

Schiff Ahoi

So... no es letsts Mau das Johr. När isch das o scho wieder gässä, das 2017 :-)

Mir mache no zwe Trög. Faus der no nid dSchnurre vou heit vo de viele Ässä, würde mer üs fröie wenn der no Mau bi üs ar Mittustrass ufchrüützet.

Am Sa, 16.12 gits Chrut u Rüebe
- Coleslaw n' something
- Carrot-Ginger-Curry Soup
- Chalb mit Roasted Parsnips und Brussel Sprout
- Rüeblitürtli ;-)

dVegis chöme Statt es Fleischli eh Chili-Raclette-Chäs.

Amäude chöiter nech hiä: https://doodle.com/poll/3n9nki89f2d59v7w


Am 23.12 mache mer eh Wiähnachtstrog. Da gits sicher öppe Mau mindestens füf Gäng. Drum düemer o dr Priis chli erhöche. Dä Trog choschtet 40.- und zwar nid usem Grund das no dBeschärig muess zahlt wärdä, sondern wiu dr Trog ar Wiähnachte dued ar Gassechuchi aus spändä, wases meh git as dr Ichoufspriis. Angst ha müesster natürlech nid, es git nid nume Brot u Wasser für di 40 Stutz. Faus dr das vermöget, go ahead and sign on: https://doodle.com/poll/cnrsh25qzwtx9cqw

Jo, de bliibt mer nüm viu usser aune eh schöni Wiähnachtsziit z'wünsche. Gniessets, häbäts guet und enjoy the snow.

ürsu

Novämbertrög

Freunde der Sonne

Es git am 11. & 17. Novämber Trög. Am 11. gits no eh letste Gärtli-Trog. S‘het no es paar nid erfrorni Sache. 

Am 17. gits öppis usem Reich der Mitte. 

Am 11.11. gits in Etwa: 

• Pickled Tripplet
• Chrütli-Suppe
• Es fetti Pumpkin-Roll mit Salbei, Ricotta, Parmesan u Rohschinke
• Eh Linzerturte

Hiä geits zur Amäudig: https://doodle.com/poll/27s6m5zungau874u

U am 17.11 gits Äuä: 

• Steam-Buna
• Louchzwiebel-Pfannkuchen mit Chinese-Eggplants
• Lanzhou-Beefnoodles
• Mango Puffs oder Custard Tart

Das wird aber de vilech no chli apasst. We will see. Mäudet nech doch gliich ah: https://doodle.com/poll/p6mr2enguaan6fp7

Hebet eh schöne Abe! 

ürsu

Halloween

Ahoi Ahoi

Mir si zrügg us de Ferie u iz gits no eh Trog im Oktober. U das Mau gits Halloween.

Es wird aus Züügs mit komische Farbe u Zämästellige gäh.

Stattfinde dueder am 27.10.17 am 19:00.

Da mis App nüm funktioniert gits kener Föteli. Aber amäude chöiter nech hiä:

https://doodle.com/poll/5ec45tz22qncmcrb

Schöns Wucheänd öich aune.

Cheers

Trög im Septämber

Hola Todos

Mir schaffes wieder Mau zwe Trög z'mache. 

Dr erst fingt am 2.9 statt. Chli churzfristig. Aber vilech ischs ja öpperem längwilig. 

2.9 - Argentina:

Es git Spezialitäte us Argentina. Sicher Empanadas, eh Bitz Fleisch, Patata Dulce u öppe no chli Dulce di Leche. 

Amäude chöiter nech hiä:

https://doodle.com/poll/gegg2mwunngacqyg

16.9 - Mc Ürsu's

Hiä muessi chli us-schweife. Es geit drum, das mer bir Nad in Kanada Original Big Mac Sauce hei chönne choufe. Entsprächend gits aus, wos im Mac Donald's o git. U dr Houptgang isch natürlech eh Burger u o Vegi-Burger mit Big Mac Sauce ;-)

Amäude chöiter nech hiä:

https://doodle.com/poll/g6p67ipbze43mxig

I hoffe, es paari chöi cho u wünsche nech aune es schöns Wucheändi! 

Ürsu

Schlaraffe-Land

Hello us Halifax

Üsi Ferie si glii düre. Mir hei schön Wätter gha, viu xeh, guet gässä viu Micro-Breweries gfunge. Aber glii isches Ziit zum wieder hei cho. 

Am 19. August mache mer eh Trog. Z'Thema isch Schlaraffe-Land. U das chunt natürlech vo üsem Gärtli wo, hoffentlech, ganz viu Läckereie für üs u öich parat het. Drum gits o kes fixes Menü sondern de eifach, was mer gad chöi ärnte. 

We dr denn chöit cho, schribet nech doch hiä ih:

https://doodle.com/poll/85ae6pheuftp3vdk

Churze Fritig u de es schöns Wucheänd. 

Ürsu

Juni und Juli Trogs

Hellöu

Chli früecher as süsch, aber was söus. Hiä si dDate und dMenüs für dTrög im Juni und im Juli. Mir hei dänkt, das mer ar Pfingste eine mache. Dä fingt am Sundig statt. Da me ja denn eh Tag meh cha guet ässä und guet trinke, eignet sech das doch bestens :-)

4. Juni - Heimat-Trog
Apero: Chäs-Chüechli u Schinkegipfeli
Vorspiis: Moudschärrä mit Rüebli-Chutney u emne Salätli
Houptspiis: Entrecôte mit Brathärdöpfeli u Pilz-Sauce
Dessert: Schoggi-Kringel

Für dVegis gits: Raclette u Spiugu-Ei
Amäude chöiter nech hiä: http://doodle.com/poll/siwrswg7r4dub5v7

Und no dä vom Juli... Mau i chli ungwohnter Sprach :-)

8. Juli - Schwede-Trog
Apero: Svamptarte
Vorspiis: Ugnspannkaka mit saftig moretssallad
Houptspiis: Krämig Potattisalad mit Citronbakad Lax
Dessert: Kanelbullar

Für dVegis gits: Raggmunkar
Amäude chöiter nech hiä: http://doodle.com/poll/hh7z87cptpnc9s97

Jep. Das wärs. Häbät es guets Wucheänd,

ürsu

Mai Trog

Hola

O im Mai hani leider nume eis Datum gfunge. Vilech schaffe mers de im Juni wieder für zwe Trög. Aber uf au Fäu gits im Mai dr Maharadscha-Trog. Es git indisch. Und zwar folgendes:

12.05.17 - Maharadscha
Apero: Joghurt-Kebabs mit Basil Chutney
Vorspiis: Gourgette Carpaccio mit Kicherärbsä-Salsa
Houptspiis: Tandoori-Chicken mitemne Curry u säubergmachtem Garlic-Chili-Naan
Dessert: Schoggi-Samosas und Ananas-Tartelletes

Für dVegis gits Ladyfingers statt Tandoori-Chicken.

Hiä amäude, bitte:

https://doodle.com/poll/t7pqqhgbdv6x2wtz

I hoffe, das öich das passt.

Häbät eh schöne Abe und morn eh guete Start id Wuche,

ürsu

April Trog

Hi All

Mir si gad ungerwägs für uf Ääääääääfrica. Drum hani ni aui Rezäpt parat u ds Menü wird chli schmaler as süsch... 

Liäbi Fründe vo üs gö im Mai uf China u drum hani dänkt, i muess mi Mau a däm chinesische Ässä probiere. 

Wases gnau aus de git, weissi wi xeit no nid. Aber es wird öppe Früehligsroue, Porkbuns, Szechuan-Aubergine, Schwiinsbrust in Hoi Sin Sauce und, und, und... gäh. 

Faus dr auso trotz no nid vouständigem Menü wettet, cho:

Am 22.4.17 gits Classic Chinese! 

https://doodle.com/poll/v7369gscwe9tf2w6

Öich aune eh gueti Ziit u bis bald. 

Cheers, ürsu

Im März...

... gits o wieder Trög :-)

I hoffe, dir möget no cho.

Wi dir vilech wüsst, si mir uf üsere Reis dNadle im färnä Nova Scotia go bsueche. Si isch dä Winter da xi und het es Chochbuech mit Läckereie vo ded heibracht. Iz müesse da Mau es paar Rezäpt probiert wärdä. U sitemne Monet isch ja Donald izze Präsident und dued aui böse Lüüt uswiise und Muure boue. Drum weimer Mau us Protest no öppis usem dünklere Teil vo Amerika choche.

Nova Scotia am 18.3.2017:
Apero: Smoked Salmon Pizza
Vorspiis: Leek and Mushroom Tartlets with Cheddar Crust
Houptspiis: Grilled Beef Sirloin with Sour Cream and Chives Mash
Dessert: Maple, Maple, Maple

Vegis berchöme Charred Onion Relish Pizza und Grilled Pear mit Blue Cheese und Cider Vinegar Honey.

Amäude unger: https://doodle.com/poll/nra8i3zepxzem7e4

Southern States am 24.3.2017:
Apero: Ribs 'n 'slaw
Vorspiis: Mad Dog Salad
Houptspiis: Spicy Meat Gumbo
Dessert: Peanuts and Chocolate - Reese, baby!

Vegis berchöme 'Slaw 'n Chili Cheese Cornbread und Spicy Veggie Gumbo.

Amäude unger: https://doodle.com/poll/dx5mp43ramcvdy9h

Häbet eh schöne Abe

Asian Trogs im Februar

Hola

So, u scho isch wieder eh Monet fertig. Da mir ja hiä im töife Winter si, hani dänkt mir mache im Februar wieder Mau eh Exkursion is geliäbtä Asiä. Dases nid ganz so schwierig isch mit de Nämä gits im Februar:

South-East Asia am 11. Februar 2017
Apero: Three Friends from Vietnam
Vorspiis: Laab from Laos
Houptspiis: Thai Pineapple-Fried Rice mit Pork
Dessert: Cambodian Coconut-Shake

dVegis chöme statt Schweinchen es Fried Egg.


Amäude chöiter nech hiä: http://doodle.com/poll/f3i8zky4wh629bkx



North-East Asia am 17. Februar 2017
Apero: Chinese Chicken Meatballs
Vorspiis: Taiwanese Shui Jian Bao
Houptspiis: Korean Bibimpap
Dessert: Japanese Sweets


dVegis chöme natürlech ou Meatballs - eifach mit Vegi-Hack :-)


Amäude chöiter nech hiä: http://doodle.com/poll/vuxnsbge9i6xd388


Häbät eh schöne Abe und bis bald


ürsu