Schwarze Trog

Guete Tag

Heiss isches... aber äuä nid lang :-( Das loht mi loh schwarz xeh und entsprächend isch o z'Thema vom nächste Trog. Eigetlech hani dr Trog wöuä ufe Donschtig schiäbä, aber dStammgescht hei protestiert wägä anderwiitige Programm und drum gits iz haut wieder Mau eh Trog am Mittwuch... und zwar am Mittwuch, 4. Juli 2012.

Ds Menü füre Schwarz Trog isch:
Apero: Töstli mit schwarze Fischeier (fausi finge und süsch öppis angers) und Olive-Paste (für dVegis)
Vorspiis: Linse-Salat mit Gmües-Brunoise und ere Biilag (Gröikti Äntä oder es Fleischli)
Houptspiis: Taboulet mit emne Seetüüfu (fausi finge) und Fänchu-Gmües
Dessert: Schoggichüechli (wo hoffentlech no weich isch inne)

Dir froget nech vilech wiä das das aus schwarz wird... aber löht nech loh überrasche! Und: es wird immer meh so, dasi eifach öppis sägä und de öppis angers mache... haha... aber es chunt jo meischtens guet...

Entsprächend isch hiä dr Link zum Doodle-Itrag:

http://www.doodle.com/cbdvkp8gvwifm9ye 

Dr Trog vom Mittwuch 11. Juli 2012 wird am Sundig ire Wuche (8. Juli) ufgschalte!

*schwitz*

Cold Trog

Guete Tag

Das so schön Wätter isch und gloubs o schön sött bliibe, passt dr Trog vo nächscht Wuche gloubs o guet! Bi däm schön warme Wätter isch dr Cold Trog abrocht... Cold wiu aues chalt, resp. nid würk kochet isch... Angst? Brucheter nid z'ha :-) dShrimps wos git wärdä abrätlet!

Dr Trog isch am Mittwuch und das usem Grund, dasi evtl. am Wucheänd uf St. Galle as Open Air go... und de mani nid am Fritig morge z'ganze Puff ufruume:

Auso... z'Menü für eh Trog vom Mittwuch, 27. Juni isch:

Apero: Chalti Gurkesuppe im Glas
Vorspiis: Forellenterrine
Houptspiis: Teigware are Chalte Tomatesauce mit Shrimps
Dessert: Äärdbeerglace-Guguhopf ufemne Coulis

I hoffe das passt de einte oder angere! De mäudet nech ah uf:

http://www.doodle.com/de7qvswpsbmws89g

I wünsche nech eh schön sunnige Tag und es guets Wucheänd

cheers

ürsu

Frucht Trog

Ahoi

Dr Summer isch do und entsprächend gits ou wieder läckeri Frücht wome im Trog cha verwändä!!! Drum wotti das probiere u schloh fougendes Menü für am Mittwuch, 20. Juni vor:

Apero: Melone-Feta Spiessli mit Rohschinke
Vorspiis: Es Coquille St. Jacques ufemne Erdbeer-Carpaccio
Houptspiis: Änte are Nektarine-Chili Sauce mit Wildriis und Pak-Choi mit Sesam
Dessert: Himbeer Tiramisu

Aui Züguässer vor Ansch hei haut ds Tiramisu scho gha, aber das macht jo nüd :-) es isch jo eh Läckerei!!!

Dr Doodle Link wäri: http://www.doodle.com/ivyvzg9gt9ib2igh

Ein Wort der Warnung: Änte isch Wild und entsprächend nid so zart wi Chiiiiicken. Und: i weiss no nid gnau öbs Filet oder Brüstli oder was gnau git!!! Und: i hoffe i finge Pak Choi, dä isch ame chli tricky :-)

Wiiter hani z'vermäude, das dr Trog vo übernächst Wuche am Fritig am 22. Juni ufeglade wird!!!

Schöns Wucheänd!

Früehligs-Trog

Hellöu

Da ds Wätter hüt wieder einisch super isch, passt dä Trog öppe...

Es söu ändlech chli konstant Früehlig/Summer wärdä!!! Ds Menü für am Mittwuch, 6. Juni isch:

Apero:          Gazpacho im Shot-Glässli
Vorspiis:       Spargle mit Schinke und säubergmachter Mayo
Houptspiis:   Pastetli mit Minze-Ärbsli und Gmües Riis
Dessert:       Holundersorbet

Dr Doodle Link fingeter unger:

http://www.doodle.com/5ixyqksbetvep6u9

I hoffe ds Menü fingt Aklang

Schöne Sunti Nami

Ürsu