Chrüsi-Müsi

Guete Morge

Da ig keh sinnvolle Name füre Trog vom Donschtig 31. Mai ha gfunge, nenni dä haut eifach Mau Chrüsi-Müsi Trog und es git entsprächend o eifach chli es Dürenang vo auem (evtl. wächsli de o no z'Dessert - usser öpper chunt nume wägä däm). Es git:

Apero: Schinkegipfeli
Vorspiis: Rande-Carpaccio mitemne Fischli (Fäuchli oder Egli)
Houptspiis: Lamm-Filet (oder Niärstück) mit Härdöpfu-Gratin und Mediterane Zucchetti
Dessert: Zitrone-Chueche

I weiss, es isch mit de Härdöpfu und em Dessert chli ähnlech wi das vo letscht Wuche... aber da so oder so nume eine di ganz Ziit chunt, trifft das di angere ja nid allzu schwär (gäu, Chrigu?)!

Hiä wär no dr Doodle-link zur Amäldig:

http://www.doodle.com/z3cxeuy3yddy3fyt

Cheers und schöni Pfingste

ürsu

Trog Re-Loaded

Guete Tag

Dr Trog neigt sech am Ändi zue! Di akündete 8x si nächscht Mittwuch düre… Wi erwähnt, isch das eh Versuech xi, zum luege öb Lüüt chöme und me cha sägä, es isch eh erfougriiche Versuech xi. Mittlerwiile hei sech 28 verschidnigi Lüüt agmäudet und es hei sech o scho Stammgescht drunger gfunge. DAnsch und dr Chrigu si jedes Mau drbii xi, Corinne, Petra, Simä, Götschi und Nicu je drüü Mau. I nime das mit Fröid zur Kenntnis und ha mi drum entschlosse dr Trog sicher no 17 Mau dürezfüehre! Entsprächend wird’s bis im Oktober dr Trog bei Urs gäh und i hoffe dir wärdet nid müed und chömet fliissig wiiterhin. Werum 17? Ganz eifach, so viu Zuesatzmenüs hani afe ustüftlet! Drunger finge sech: dr Farbetrog, dr Mafiatrog, eh Früehligstrog, eh Südamerikatrog und so wiiter…

I bi vermehrt agfiälät worde, das ig do Lüüt düegi bevorzuge… i möchte däm entschide wiedersprächä… entsprächend dueni wieder Täg veröffentleche wo dr Blogg aktualisiert und ds Doodle ufgschalte wird.

Trog Datum                                          Aufschaltung Blogg und Doodle

  31.05.2012                                                        FR - 25.05.2012

  06.06.2012                                                        SO - 03.06.2012

  14.06.2012                                                        DO - 07.06.2012

  20.06.2012                                                        SA - 16.06.2012

  28.06.2012                                                        FR - 22.06.2012

  04.07.2012                                                        DO - 28.06.2012

  11.07.2012                                                        SO - 08.07.2012

  18.07.2012                                                        MO - 16.07.2012

Eis no für dGäst: wenn dir Wii bringet wo nid trunke wird, de isch dä für öich nid verlore. Wenn gnue Fläschä umesii, de machi eh Wiitrog wo di übrige Fläschä kredenzt wärdä und derzue ordentlech Häppchen. I hoffe, dir sit denn drbii!

Merci fürs cho.

Cheers

Ürsu

Rustikaler Trog

Ahoi Ahoi

Dr nächsti Trog findet am Mittwuch, 23. Mai 2012 statt und ds Thema isch Rustikal :-) I nime Mau ah, do wärdä wieder einigi dNase rümpfe :-)

Ds Menü wäri:

Apero: Jägerbrot

Vorspiis: Bouillon-Süppli mit Louch, säubergmachte Flädli und emne säubergmachte Brötli

Houptspiis: Härdöpfu-Stock mit Hackbrate und emne Gmüesli

Dessert: Schoggi-Tarte

I hoffe das mundet es paarne und dir düed nech uf Doodle amäude!

http://www.doodle.com/5g5ctbm7tq9cusp4

Dr Wii hani wieder einisch nid drbii, aber i wirde ne de Teilnähmer no mitteile! Sorry!

Schöns Wucheänd für diä woni nid xeh!

Liäbi Grüess

ürsu 

Asia-Trog

Guete Tag

Näbst em Trog vo hüt, hani o no 2 Sache wo dir mir chöntet häufä. Drum dueni das Mau z'ersch ufschribä, das ders vilech o läsät :-)

1) Eh fähige Marketing-Mönsch (und das heisst öppis, wiu das cha eigetlech jede) het mir geschter eh Super-Tipp gäh. I söu doch eh Staffelei (dasch das wome druf malt) und eh Schifertafele druf i mini Wohnig due. Ded cha när ds Trog-Menü immer schön ufgschribä wärdä! Für das dr nech öppis chöit vorstöuä... i sueche das Biudli in SCHÖN! Any ideas?

2) Findet dr nächscht Trog vor dr Uffahrt und nid ar Uffahrt statt. Sprich: am 16. Mai 2012 und NID am 17. Mai 2012. Das usem ganz eifache Grund, das mer de aui schön öppis chöi trinke :-) aso gnue Wii mitnäh

So... nach getaner Arbeit wäri hiä dr Trog vom MITTWUCH, 16. Mai 2012:

Asiatisch

Apero:                  Sate-Spiässli mit selbstgemachter Erdnuss-Sauce

Vorspeise:            Som Tam (Papayasalat)

Hauptspeise:         Curry mit Poulet und Jasminreis

Dessert:                Mango-Kokosmilch Drink

Dr Wii wäri:

Weisswein:

Name: Gewürztraminer

Produzent: Baron de Hoen, Cave de Beblenheim

Traubensorte: Gewürztraminer

Herkunft. Frankreich

Preis: 9.90

Rotwein:

Name: Rawson’s Retreat

Produzent: Penfolds

Traubensorte: Syrah, Cabernet Sauvignon

Herkunft: Australien

Preis: 12.80

 So... und hiä wär no dr Link vom Doodle: http://www.doodle.com/kcee8hwa72hwisx5