Es wird Winter u me merkts. Viu isch los. U s'wird äuä nume no meh los. Drum chöme Trogs gad im Doppupack.
Im Novämber längts nume für eine. Drfür wird dä super u isch vo üsere letste Reis inspririert. Es dä isch am
5. Novämber - Centro America
Apero: Patacones mit Salsa de Piña
Vorspiis: Ceviche
Houptspiis: Pescado, Arroz de Coco, Salsa Picante u Repollo
Dessert: Tres Leches
Vegis berchöme o Ceviche mit entweder Pilz oder Vegi-Fleisch. Und as Houptspiis gits eh Überraschig mit Maracuya.
Amäude bitte hiä: https://doodle.com/poll/hv5zq5t4a8in6mg9
När gumpets scho i Dezämber. U di Trog-Idee chunt vor Ansch. In Bärn gits a vierne Orte Chüehlschränk wome Sache cha abgäh wome nüm brucht. Di Idee heisdt Bärn isst Bärn. Mir gö diä ga abklappere u ds Menü entsteit us dene. Es chostet entsprächend o nume 15.-. 5.- für aui Ufwänd u 10.- gö vom Trog gspändet ad Gasse-Chuchi. Mau luege wases git am:
10. Dezämber - Foodwaste
Amäude bitte hiä: https://doodle.com/poll/ybvqsspggvpf5tgr
Und, bevor aui Familiäfest aföh gits o no eh Trog am
23. Dezämber - Es Wiähnachtet
Apero: Lachs Häppli
Vorspiis: Zibele-Suppe mit Croutons, Chäs u Schnittlouch
Houptspiis: Rindsfilet mit Spätzli, Rotchruut, Röseli-Chöhli u Preiselbeersauce
Dessert: Mocca-Biskuittorte
Vegis berchöme Pickled Beauties as Apero u statt Rindsfilet eh Morchle-Eierschwümmli-Steipilz-Mix.
Amäude bitte hiä: https://doodle.com/poll/hxp2rmr2tvmektyy
So. I gloub, das wärs. I hoffe, es hei es pasr Lüüt no Ziit. Aune eh schöne Herbst u Winterafang.
Ürsu
