Trog vom 2. Mai

Hallo Zämä und guete Morge

Am Donschtig, 2. Mai, gits dr nächst Trog. Ds Menü isch chli nes Dürenang, aber das macht ja usnahmswiis o Mau nüd... i hoffe es chunt glich guet:

Apero:            Feta-Spinat Drüeggli (mit Filoteig)
Vorspiis:          Tequilla-Shrimps (Olééé) für dVegis gits Tequilla-Tofu
Houptspiis:      Lachs im Blätterteigmantel mit Schalottensauce und Riis für dVegis Spargle im Blätterteig
Dessert.          Rhabarber-Tiramisu (faus diä scho us dr Schwiiz si, süsch gits öppis angers :-))

Dr Link für nech azmäude wäri:

http://doodle.com/hyh45wycaaiyvb3s

I wünsche nech eh churzi Rästwuche und hoffe dir heit es guets Wucheänd

ürsu

Cocina del Diablo

Ahoi

i ha zwar Mau xeit, i machi kener Trög mit Näme meh :-) Aber geschter isch mer eine i Sinn cho, und drum gits iz haut glich wieder eine!

Dr Trog vom Mittwuch, 24. April, heisst vielsagend:

In Teufels Küche

Ds Menü xeht wi folgt us:

Apero:                   Dreierlei der Chili
Vorspeise:              Sea Devil on Tomato Chops
Hauptspeise:          Pork in Hell Fire mit Süsskartoffel und Teufels-Sauce
Dessert:                 Lusty Brownies

Das dr nid bi auem müesst rate:

- Sea Devil = Seeteufel = FischiFischi
- Hell Fire wird öppis mit Peperoni si (nid scharf)
- Teufels Sauce wird scharf si, rot und mit Sour Cream
- Lusty Brownies hei Frücht und Alkohol dinne
- dVegis berchöme statt Seetüüfu eh Turm des Teufels :-) und statt Schweinchen gits es Giftgrüens Gmües-Zwöierlei (probiere eh Zucchetti uszhöle, im Bachofe z'mache und usem usghölte eh grüeni Suppe zum füllä z'mache) 

wes mer längt, machi no eh Vanille-Glace wo dr optional zu de Brownies döft wählä!!!

Hiä wäri dr Link zum nech amäudä:

http://doodle.com/u3muphscc54ieaeu

häbät es schöns, verrägnets, Wucheänd

es grüsst

des Teufels Koch

Trog im April/Mai

Hallo

Wi bim letschte Mau erklärt gits jo immer pro Monet ei Motto-Trog. Alässläch vo däm, due ig när es Mail verschicke wo dDate vom kommende Monet bis zu däm Motto-Trog bekannt gäh wärdä. Wenn öpper vo mine Mails gnärvt isch, söuer mer doch das sägä, de dueni öich usem "Trog Newsletter" usenäh!!!

Wasi no ha wöuä sägä: bis iz si 76 verschiednigi Lüüt am Trog xi! Sägät doch das öine Liäbstä wiiter, so das o no meh as 76 Lüüt chöme. Dr 100st berchunt sis z'Nacht gratis :-) Dir döft, wi scho mängisch xeit, öii Fründe, Familiä, Affäränä, Liäbschafte oder was o immer mitnäh!!!

D'Trög im April/Mai finge a folgende Date statt:

Trog Datum	Doodle Datum
Donstig, 18. April	Mändig, 8. April
Mittwuch, 24. April	Fritig, 19. April
Donstig, 2. Mai	Donstig, 25. April
Samstig, 18. Mai	Mittwuch, 8. Mai

Ds Menü füre Motto-Trog und für eh Trog vom 18. April hani scho. Für dä vom 18. April chame sech ou scho uf Doodle iträgä... da ig nächst Wuche ide (wohlverdiente, wetti meine) Ferie wirde wiile, machi das gad iz. Das iz de langsam chli wermer, sprich Früehlg, döfti wärdä, hani dänkt i probiere das mitemne exotische z'Nacht Mau z'verschneuere...

Menü füre 18. April 2013

Apero:                   Summer Rolls (nid fritierti Früehligsrolle mit Shrimps/Pilze)
Vorspiis:                 Mango-Salat mit Coquille St. Jacques (Tofu)
Houptspiis:             Poulet-Brüstli mit Udon-Noodles (mit Pilze und Gmües)
Dessert:                 Limetten Crème Brulée

Doodle füre 18. April 2013

http://doodle.com/xdmzi5hsf7u8uuyi

Und hiä wäri o no z'Motto füre Trog vom Samstig, 18. Mai. Ds Motto isch:

Motto Italiänisch

Apero:                  Meatballs am Spiess in Tomatensauce (Vegi-Meatballs)

Vorpeise:              Säubergmachti Spaghetti mit Pesto

Hauptspeise:         Filetto di Manzo an Balsamico-Jus und Zucchetti (Vegi: Auberginen)

Dessert:                Himbeertorte

Bier:                      Perroni, Morretti

I wünsche nech eh guete Start id Wuche und bis glii

ürsu

1. Motto-Trog

Ahoi und guete Morge

Am Fritig gits dr erst Motto-Trog :-) und dä Monet gits Motto "Schweiz". Ds Menü vom Fritig, 5. April isch:

Motto Schweiz

Apero:                  Louch-Chäschüechli

Vorpeise:              Zander auf Randencarpaccio                                        

Hauptspeise:         Rösti mit Kalbsfilet und Pilzsauce                              

Dessert:                Birnen-Karameltorte

Bier:                      Lago Lodge Biär, Bier-Bienne

Für dVegis gits zur Vorspiis statt Egli us dr Schwiiz, Geiss-Chäs us dr Schwiiz (warm natürlech), u zur Houptspiis es Spiegelei und Raclette statt Kalbsfilet. 

Wi scho erklärt würdi go Biär hole, faus dir Biär wettet... we dr Wii und süstigs wettet, de isches immer no wi früecher (eifach säuber mitbringe). Wenn dr bim amäude chöntet agäh was dr weit trinke, de gani das go organisiere. Somit chöiter eifach es "B" hinger öie Name mache u de goni für öich go Biär hole.

So... das wärs öppe wases da derzue z'sägä git! Hiä wär dr Doodle-Link:

http://doodle.com/kqsvff3u4frt8g9k

häbät eh schöni, churzi Wuche

Gruess

ürsu