Thai-Trog

Schiff Ahoi

Nächst Mittwuch (30.1.2013) verlüüri eh Stammgast... dä geit ab iz am Mittwuch angerne Tätigkeite noche... i hoffe drum, das irgend öpper ihn wird ersetze... o wes wieder Mau mis Liäblings-Ässä resp. Thema git... Asiatisch :-) Das Mau: Thai!

Was machi das Mau läckers?

Apero:           Summer Rolls
Vorspiis:         Shitake-Ravioli ire Zitronegras-Suppe
Houptspiis:     Pad Thai (Ja, Ansch! Pad Thai!!!) mit Huehn u Shrimps (U Tofu für Vegis)
Dessert:          weissi no nid

Ja... das gits... me weissi nech süsch ou gad nid z'brichte! Usser das dr no dr Link bruuchet:

http://doodle.com/e4646ahn5zb8ye6n

I wünsche öich es schöns Wucheänd und bis glii

cheers

ürsu

Bäre-Trog

Schiff Ahoi

Z'ersch Mau möchti, für aui wos interessiert, hiä no eh Link verschicke woni vom Christoph Karli ha übercho... der Ursprung des Trogs:

http://www.youtube.com/watch?v=QEswYNdBR1Y

Mit chli Säubstironie erkenn ig gwüssi Wäsänszüüg vo mir i däm Wäsä inne wieder :-)

Guet... zu däm Thema gits no öppis wiiters z'sägä... letscht Mittwuch hani mi chli übernoh mit Sache mache woni kei Ahnig ha drfo... entsprächend probieri nächscht Donschtig Mau nid wieder z'überboarde und mache öppis eifachers... 

Es git auerhand Ässä wo Grizzlies o gärn hättä. Entsprächend gits eh Bärätrog:

Apero:            Brunnenkresse-Suppe mit Fluss-Chräbsä

Vorspiis:          Früsche Spinat-Salat mit tröchnete Cranberries, Pleurotus und Pinie-Chärnä

Houptspiis:      Lachsfilet mit Riis und Broccoli-Gmües

Dessert:           Honigmousse mit Waldbeeren

I xeh scho paar Lüüt dNase rümpfe: @Nicu füre Spinat und @Ansch für dWaldbeeri

Aber i hoffe anger finge das Menü nid so absonderlech :-)

Ah, no öppis... i weiss gar nid öb me im Momänt cha Kressech choufe... entsprächend gits de vilech es Ärbsä-Süppli oder süsch öppis "grüens"...

Für aui wo wette cho, hiä wäri dr Doodle-Link:

http://doodle.com/xqprhtih9emd3tmm

I wünsche nech eh churze Friitig und es schöns Wucheänd!

Cheers

Trog - half human, half ape

Indiä-Trog

Seid gegrüüüüüst

As grosse Liäbhaber vo indischer Chuchi isches rächt lang gange bis ig mi Mau a das Menü ha härägwagt, i weiss... i bi ou immer no nid überzüügt wi guet de das usechunt, aber i wott iz doch einisch probiere, öb ig das schaffe mit däm Indische Ässä! I hoffe dir gäbät mer eh Chance und chömet am Mittwuch, 16. Januar cho luege öb dir das gärn heit.

Es git:

Apero:              Lammfleisch-Spiässli mit Bire-Chutney
Vospiis:             Samosa mit Salat a indischem Dressing
Houptspiis:        Kichererbsen-Curry, Dahl Curry und Chicken Korma mit Chili Naan und wiisem Riis  
Dessert:             Mango-Parfait mitemne Kardamon-Coulis

Dir xeht... es Menü wo wieder nid ganz definiert isch :-) luege mer Mau wases de schlussändlech genau wird. Samosas und dHouptspiise wirds uf au Fäu diä gäh!!!

So... hiä wäri dr Link für dAmäudige:

http://doodle.com/gbcemxaag72undtt

und de wünschi öich eh schöne Tag und es guets Wucheänd

ürsu

Trog zum Neuen Jahr

Ahoi

es nöis Jahr het agfange und somit wird dr Trog das Johr eis Jahr alt. Und zwar am 5. April 2013. Entsprechend hani Mau Trög und Date bis ded härä zämägstöut. Und hiä wärä si:

Trog Datum	Doodle Datum
Mittwuch              09. Januar 2013	Samstig               05. Januar 2013
Mittwuch              16. Januar 2013	Donstig               10. Januar 2013
Donschtig            24. Januar 2013	Fritig                   18. Januar 2013
Mittwuch              30. Januar 2013	Fritig                   25. Januar 2013
Samstig               09. Februar 2013	Mändig               04. Februar 2013
Donschtig            28. Februar 2013	Mändig               25. Februar 2013
Mittwuch              06. März 2013	Fritig                   01. März 2013
Donschtig            14. März 2013	Donstig               07. März 2013
Mittwuch              20. März 2013	Donstig               14. März 2013
Mittwuch              27. März 2013	Fritig                   22. März 2013
Fritig                    05. April 2013	Dsistig                 02. April 2013

Was gits für Trög? Resp. was gits speziells i dere Ziit?

Es git einisch eh Gast-Trog - dAnsch macht dä! Entsprächend wirder natürlech Vegi si und i spiele denn ihre Häufer. När gits einisch eh z'Morge Trog mit säubergmachte Gipfeli und säubergmachte Pain aux Chocolats (am 9. Februar 2012) und wiiter gits fougendi Trög:

- Magreb-Trog

- Indische Trog

- Thai Trog (wiu mer das aui so gärn hei - muahahaha)

- Bäre Trog

- Südost-Europa Trog

- Classic Chinese

und natürlech dr Schluss-Trog für am 05. April 2012. Ded gits eh Tour du Monde Trog. Z'beste us dr ganze Wäut :-)

Wi immer müesse diä no chli usg'arbeitet wärdä... Dä vo nächst Mittwuch hani aber scho fertig... es git dr:

Magreb Trog:

Apero:              Nordafrikanische Dips

Vorspiis:           Sesam-Ente mit Aprikosen-Pflaumen Sauce

Houptspiis:       Lamm- und Gmües-Tajine mit CousCous

Dessert:           Caramel-Glacé mit Kumquat- und Dattelkompott

Hiä wäri dr Link zum doodle:

http://doodle.com/7uhnzptp5ydv3tvn

Wases no z'sägä git... bis am 28.1 müesster bi aune Trög äuä mit Geduld und mit chli schlechtere Ergäbnis rächnä... i ha mis Handglänk broche und bi entsprächend äuä nid uf dr Höchi was choche ageit. Dr Trog am Mittwuch isch eh Versuech. Fauses nid geit, würdi haut de di zwe nächste Trög absäge! Danke fürs Verständnis und bitte kener Mitleidsbekundige. S'isch halb so tragisch!!!

Aune es guets Nöis und guete Start id Arbeitswäut... hahahaha

ürsu