Z'ersch Mau möchti, für aui wos interessiert, hiä no eh Link verschicke woni vom Christoph Karli ha übercho... der Ursprung des Trogs:
Mit chli Säubstironie erkenn ig gwüssi Wäsänszüüg vo mir i däm Wäsä inne wieder :-)
Guet... zu däm Thema gits no öppis wiiters z'sägä... letscht Mittwuch hani mi chli übernoh mit Sache mache woni kei Ahnig ha drfo... entsprächend probieri nächscht Donschtig Mau nid wieder z'überboarde und mache öppis eifachers...
Es git auerhand Ässä wo Grizzlies o gärn hättä. Entsprächend gits eh Bärätrog:
Apero: Brunnenkresse-Suppe mit Fluss-Chräbsä
Vorspiis: Früsche Spinat-Salat mit tröchnete Cranberries, Pleurotus und Pinie-Chärnä
Houptspiis: Lachsfilet mit Riis und Broccoli-Gmües
Dessert: Honigmousse mit Waldbeeren
I xeh scho paar Lüüt dNase rümpfe: @Nicu füre Spinat und @Ansch für dWaldbeeri
Aber i hoffe anger finge das Menü nid so absonderlech :-)
Ah, no öppis... i weiss gar nid öb me im Momänt
cha Kressech choufe... entsprächend gits de vilech es Ärbsä-Süppli oder
süsch öppis "grüens"...
Für aui wo wette cho, hiä wäri dr Doodle-Link:
I wünsche nech eh churze Friitig und es schöns Wucheänd!
Cheers
Trog - half human, half ape
Keine Kommentare:
Kommentar veröffentlichen