La Provence

Bonjour a tous

I ha dänkt dases solangs no chli Summer isch, no öppis summerlechs sötti gäh! Entsprächend gömer am Donstig, 30. Ougust id Provence. Fougendes Menü isch vorxeh:

Apero: Crostini mit Aubergine-Tartar
Vorspiis: Lot (Fisch) ufemne Bettli Fenchelgmües
Houptspiis: Pouletscheiche im Bachofe mit Ratatouille
Dessert: Aprikosemousse mitemne Pfirsich-Couli (oder umbekehrt)

dVegis chämte statt dr Fisch es chlises Quichli und as Pouletscheiche eh marinierte Tofu (mit Chrütli, Oliveöl und Meersalz) im Bachofe.

Dr Link zu Doodle isch:

 http://doodle.com/6mpuhmipaeicty8v

Häbät es schöns Wucheänd und hoffentlech bis am Donschtig

ürsu

Kanada-Trog

Hello

Auso... ha hüt nid mi bescht Tag, entsprächend fassi mi Mau churz :-) Chöit hoffe, dasi mi bis am Donschtig, 23. August 2012 erhout ha und denn de wenigstens aständig choche ;-)

I ha mer überleit, dasi Mau chönti probiere eh Kanda-Trog z'mache. Mit aus Sache wos ded so z'ässä git. Da ig keh Elch-Fleisch wirde finge, müesse mer is halt mit Lachs begnüege :-)

Hiä wäri z'Menü (bim Apero chas no Änderige gäh):

Apero:         Kürbis-Honig-Späck Chügeli (inspired by Nicu)
Vorspiis:      Salat mit Blaubeeri (oder süsch Waldbeeri) und Pilze amne Ahornsirup Dressing
Houptspiis:  Lachs ufemne Louch-Bettli (mit Ingwer und Muskat gwürzt) und Riis
Dessert:      Nanaimo Bars

So... hiä wäri dr Link für dAmäudige:

http://doodle.com/s6yvvkktmbbe23i3

häbät eh schönere Nami as ig :-)

ürsu 

Zitrone Trog

Hellöu Hellöu

Dr Summer isch no do und sött no bis am Mittwuch bliibe :-) Entsprächend hani probiert es summerlechs Menü zkreiere. Öppis liächts, zitronigs, passt sicher i di Wermi ine!!!

Ds Menü für am Mittwuch, 15. August isch:

Apero:         Chalts Zitronesüppli
Vorpsiis:       Es gfüllts Zucchetti-Blüete ufemne Gmüesbettli
Houptspiis:   Papardelle are Zitrone-Rahmsauce mitemne Fischli
Dessert:        Zitronemousse mitemne Coulis

I hoffe das trifft uf Gägäliäbi. Wenn ja, hiä wär dr Link zum sech ischribä

 http://doodle.com/zwzvwdueat2bumf7

Häbät eh schöne Sundig

ürsu

ps. Zucchetti-Blüete hani letscht und vorletscht Wuche im Manor xeh... fauses di Wuche kener meh het, würdi haut de müesse uf öppis angers uswiiche!!!

Geburi-Trog

Hallo Zämä

Am Mittwuch, 8. August gits öppis z'fiire :-) DAnsch het Geburi und entsprächend gits eh Geburi-Trog. Gemäss Wätterbricht (und gringer Vorussagekraft) sötts am Mittwuch "recht sonnig" si. Das passt, wiu dAnsch het sich gwünscht das es eh Grill-Trog git. Was söus de so gäh am Grilltrog?

Zur Verfüegig gstöut wärdä:
- Biär
- Wii
- Apero
- Brot
- Gluet
- Salät
- Dessert

Da dAnsch eh Herbivor isch, müesse dKarnivore unger öich ihres Fleischi-Fleischi säuber mitbringe. Mir düe de das probiere z'grille ohni dases eh Master-Schuesohle wird.

Was müesster wüssä? Eigetlech nüd. Dr Trog faht wi immer am haubi achti ah und isch am gliiche Ort wi immer. Mitbringe müesster öich und öies Fleischli und zahle müesster nüd.

Ikouft wird am Dsischtig am Abe, entsprächend wird dDoodle-Umfrag am Dsischtig, 7.8.2012 am Mittag deaktiviert. Träget nech bitte vorhär ih!!!

http://doodle.com/zsxhzm59mgbsq6ty

Cho dörfe aui wo mitem Anschi wei fiire (o dr Chrigu, obwou ded vilech us Trog-Taktische Gründ z'Veto vor Ansch wird zum Iisatz cho - hehe).

Faus sech usestöut dases am Mittwuch hudlet, chutet und chalt isch, gäbs es Alternativ-Progamm zum z'Nacht!

häbät es guets Wucheänd

ürsu