Wii-Trog

Seid gegrüsst

Wi di Wuche akündet, wird am 31. Juli 2012 eh spezielle Trog stattfinde. Da aui oder zumingscht di meischte vo öich am 1. Ougust frei hei, hani beschlosse dr Trog am Dischtig lo statt z'finde! Es bringe jo aui immer brav Wii mit (teu weniger, anger meh) und dä isch nid immer trunke worde. Entsprächend gits iz di Überräschte ändlech Mau.

Derzue machi es Buffet mit Häppchen (wo no nid so genau definiert si). Sicher gits ded:
- Beleiti Brötli
- Jamie-Brot
- Chäs-Chüechli
- Mini Pizzas
- Bruschetta mit Tomate
- Bruschetta mit Aubergine
- Säubergmachti Brötli
- Salät
- Dessert

Wases de genau wird si, weiss i no nid. Das Mau döfe so viu cho wi wei. Es git kener Ischränkige, es het eifach 10 Fläschä Wii wo zum Verzehr (oder Vertrink) parat si. Das "nume" Häppchen git, wird dr Trog-Priis bi 15.- pro Person ligge. Es wär vilech guet, wenn dr no chli Biär oder süsch öppis wo dr gärn heit würdet mitbrine, de heimer de sicher gnue!!!

Dir döft, wi immer, o Gspähnli mitnäh und i hoffe, das mer de uf dr Terasse chöi ässä und z'Füürwärch o no gad vo ded chöi luege (wiu i ma nid a See füre... aber es daf natürlech jede wo wott go)!

so... i gloub das wärs vo mir. Hiä wär dr Link für öich zum amäude (Amäudeschluss isch dr Sundig, 29. Juli 2012):
 
http://www.doodle.com/8gt7d2ezaypqyuha

Häbät es schöns Wucheänd und eh gueti Wuche

urs

Quo Vadis Trog

Re-Ahoi


Für aui diä wos interessiert wis wiitergeit! Dr Trog macht iz z'ersch Mau eh Wuche Ferie! Wiiter wird dr Trog när sicher bis zu de grosse Herbstferie vor Trog-Crew (di beinhaletet di zwe Master-Stammgescht und dr Choch)... Dir wärdät xeh, es isch nüm immer nume Mittwuch und Donschtig. Es het o eh Dsischtig und eh Samschtig drinne! Fougendi Date si für Trög vorxeh:


Trog Datum                                          Aufschaltung Blogg und Doodle

  31.07.2012                                                        FR - 20.07.2012

  08.08.2012                                                        FR - 03.08.2012

  15.08.2012                                                        SO - 12.08.2012

  23.08.2012                                                        DO - 16.08.2012

  30.08.2012                                                        SA - 25.08.2012

  05.09.2012                                                        SO - 02.09.2012

  13.09.2012                                                        FR - 07.09.2012

  15.09.2012                                                        MO - 10.09.2012

  19.09.2012                                                        SO - 16.09.2012

Wi dr vilech xeh heit gits zwe ussergwöhnlechi Trög... derzue chunt no eine wo nid so ussergwöhnlech usxeht, aber o chli angers isch!

1. Wii-Trog am 31. Juli 2012: Hiä wird dr fürig Wii (si iz 9 Fläschä) trunke, derzue gits Häppchen etc. Hiä chöi sech so viu amäude wi wei cho (aber bitte glich amäude. Amäudeschluss isch Sundig, 29.07.2012) . Bitte vilech gliich eh Wii oder Biär bringe (schliesslech heimer ja am nächste Tag frei). Es git no Füürwärch (hoffentlech vom Dach us).

2. Geburi- oder Grilltrog am 08.08.2012: Hiä wird ds Anschi wieder es Jahr öuter und das weimer fiire. Bi schönem Wätter gits eh Grilltrog uf dr Terasse und süsch es Alternativprogramm. Hiä chöi sech so viu amäude wi wei cho (dAnsch het natürlech Veto-Rächt). Wii/Biär und herbivorischi Zuetate (Salat, Vorspiis, Apero, Dessert) wärdä vor Ansch gspändet. Es söuä doch eifach aui ihres Fleisch/Fisch mitnäh und mir düe de probiere das entsprächend öine Vorstellige z'prepariere :-)

3. Attempt for Six Trog am 15.09.2012: Dä Trog fingt am Samschtig statt mitem Ziel, am Chrigu ändlech Mau es Sächsi für dChochleistig abzluchse (was er us Prinzip nid wird gäh, aber egal). Hiä wärdä sech di üblechi Azahl döfe amäude.

So... merket nech di Date! Here we go :-)

Südamerika-Trog und wie weiter...

Hola, Hola

nach üsere Süd-Amerika Reis muessi doch o Mau probiere öppis südamerikanischs z'mache... entsprächend gits am Mittwuch, 18. Juli 2012 es Süd-Amerika Menü. I bi no nid ganz sicher wases genau git... sprich: dHouptspiis und ds Dessert chönte sech no ändere :-)

Bis iz hani fougendes vorxeh:

Apero: Empanadas
Vorspiis: Ceviche (für Vegis mit Pilz, für Karnivore mit Shrimps oder Fisch)
Houptspiis: Quinoa mit Poulet und Gmües
Dessert: Caipirinha-Creme

Dr Link zur Amäudig fingeter unger: http://www.doodle.com/43yr9e89ezrwnr7z

Guete Wuche-Start!

ürsu

ps. später wird i no es Mail uselah mit nöie Blogg-Date und wis wiitergeit. Das wird hiä o postet!

Trog Light

Ahoi Ahoi

Di Wuche probieri Mau eh Trog Light!

Okay, ds Dessert isch nid ganz xund, abr dr Räschte sött guet z'verdoue si :-) Am Mittwuch, 11. Juli gits:

Apero: Lachstartar
Vorspiis: Melone mit Rohschinke mal anders
Houptspiis: Lammracks mitemne Zucchetti-Schiffli u Härdöpfufächer
Dessert: Flan Caramel

Dr Link zum amäude:
http://www.doodle.com/z29di7nysksu778k 

Gruess

Ürsu