Natale de la Nonna

Schiff Ahoi

Weni das richtig im Chopf ha, de isch mi erst Trog Italiänisch xi... entsprächend passt ds Motto vom Wiähnachtstrog:

Natale de la Nonna

i ha mer fougendes Menü überleit:

Apero:            Antipasti Misti mit Pizza-Brot
Vorspiis 1:       Ravioli de la Casa
Vorspiis 2:       Tomate-Mozzarella Terrine mit Focchachia-Brot
Houptspiis:      Ossobucco mit Risotto
Dessert:           Tiramisu-Torte

D'Vegis xeh, si chöi fasch aus ässä :-) Anstatt Ossobucco gits süsch öppis mediterrans... aber das isch momentan no eh Überraschig!

Hiä wäri dr Link für aui Doodle-Amäudige:

http://doodle.com/uc8xivcemw626cyd


Häbäts guet und diä woni nüm xeh, dene wünschi eh guete Räschte, schöni Wiähnachte und bis bald

ürsu

Centro America Trog

Ahoi

Dr Trog vom nächste Mittwuch, 12.12.2012, geit wieder Mau chli wiiter wäg. Z'Thema isch Zentralamerika.

Hiä wäri dr Menü-Vorschlag:

Apero:                       Nachos con Queso

Vorspeise:                  Avocado-Salat mit Limette-Mango Sauce und scharfem Shrimp

Hauptspeise:              Entrecote, Kräuterbutter, Picco de Gallo, Reis und Bohnen

Dessert:                     Mango-Parfait oder Mousse mit frischen Ananas

Hiä wäri dr Link zur Doodle-Umfrag:

http://doodle.com/daun75wib6fcykak 

Häbät es schöns Wucheänd

ürsu

Grischun Trog

Bien di

heisst das gloubs uf Bünderdüütsch (aso guete Tag)...

Dir entnämät däm ds Thema vom nächste Trog... es git Bünder-Ässä. D'Mel, mini Ex-Chefin, het mi uf das brocht und entsprächend hani dänkt i probiere iz das aus Mau us wo si so i ihrem Mam ihrem Chochbuech het... dr Vorteil dra isch, dir wärdät nid wüssä wases isch, wiu mes nämlech nid versteit :-)

Dr Chrigu het scho akündet daser äuä kes gueti Bewärtig wird abgäh... hoffe mer doch, das er nid rächt bhautet :-)

@Mel: du chasch ihm de wüescht sägä :-)

Auso... was gits z'Ässä am Donschtig, 6. Dezämber 2012?

Apero (u di versteit me no):     Bündner Chäs- u Fleischplättli mit säubergmachtem Brot
Vorspiis:                                 Capuns
Houptspiis:                             Pizzögel mit Siedfleisch und Dörrbohnen
Dessert (u mis Favoritewort):  Türggaribel mit Öpfumues, Zimt u Zucker


Für aui wo frei hei am Fritig oder sech am Fritig Morge wünschte si hättä: Mel bringt Originale Röteli usem Bündnerland mit (nid dr Fusel usem Coop)!

No eh Ufruef a aui... dr Trog isch nüm so vou wi o scho... wi am Afang xeit, isch o dänkt das dir döft Lüüt bringe wo ig nid kenne... Sprich: öii Müettere, Vättere, Groslene, Gschwüschterti, Liäbschafte und o süsch aui! Mir si eh offne Verein und düe aui härzlech wilkomme heisse :-)

Hiä wäri dr Doodle-Link:

http://doodle.com/x3gwmmbhtncrk6a8

häbät es guets Wucheänd u gniesset dr Schnee

sin seveser

ürsu

Späck Trog

Ahoi

Dr nächsti Trog fingt am 28. Novämber 2012 statt und het fougende Hingergrund. Gwüssi Herre bemängle immer dAbwäsäheit vo gnüegend Späck. Entsprächend wird hiä es Menü präsentiert wo i jedem Gang öppis "späckigs" het. Fougendes erwartet öich:

Apero:                  Rosmarin-Speck Grissini

Vorspeise:            Quiche mit Speck und Zwiebeln und es Salätli

Hauptspeise:         Schweinsfilet im Speck- und Gewürzmantel an Pflaumensauce und Wildreis

Dessert:                Späckschnitte

Das dVegis nid z'churz chöme isch das natürlech aus o Späckfrei möglech:

ds Grissini berchunt statt Späck grafflete Chäs, ds Quiche wird nid mit Späck und Zibele gfüllt sondern mitemne Tomate-Schnitz und as Houptspiis gits nid es Schwiinsfilet sondern eh Gmües-Rondelle. Ds Dessert wird säubstverständlech ou mit Vegetarisch verträgleche Zuetate zuebereitet!

Schribet nech ih unger:

http://doodle.com/eixx9xgtgaxqphd6

Wär sech für am Samschtig no wett amäude, hiä wäri ou no einisch für denn dr Link:

http://doodle.com/w4k7u3q9xcysn8ka

bis am Samschtig oder nächscht Mittwoch oder süsch glii Mau

ürsu

Geburi Ürsu

Grüessech mitenang

Es isch wieder Mau es Jahr is Land zoge und ig wirde scho 31gi… do gits nid viu z’sägä derzue… aber me chas ja glich fiire. Entsprächend hani fougende Vorschlag für öich: we dr nüd bessers z’düe heit, de chömet doch am Samstig, 24. Novämber ab de 19:00 zu mir.

Mini Idee wär, wenn ds Wätter mitspiut, das mer uf dr Terasse si und ded Glüehwyy, Kürbissuppe u öppis vom Grill ässä.

Am Samstag oft stark bewölkt und zeitweise Niederschlag, in den Alpen anfangs noch föhnige Aufhellungen. Schneefallgrenze von 1700 gegen 1200 Meter sinkend. 7 bis 9 Grad.

So xeht dWätterprogrnose us… erfröilech wi immer… aber was solls… wemers de abe müesse verschiebe, de söus haut de so si…

Dasi cha ichoufe und plane würd ig öich bitte, nech uf Doodle izträgä:

http://doodle.com/w4k7u3q9xcysn8ka

Faus dr das Mail verlüüret… es wär ou ufgschaltet uf em Trog: http://trog-bei-urs.blogspot.com

Wäreter so nätt und würdet no agäh was dr für ne Wurst wettet :-)

SW – für Schwiinsbratwurst

KW – für Kalbsbratwurst

VW – für Vegibratwurst

Da äuä di einti Häufti sech mit irgendwelche ifallsriiche Nämä wird amäude und di angeri Heufti vergisst ihri Wurst hinger ihrem Nama azgäh wird’s dä Abe eifach nachem Prinzip si: es het solangs het…

Bereitgstöut wird:

-       Chürbissuppe

-       Brötli (Olive, Tröchneti Tomate und Späck)

-       Wurscht (inkl. Ketchup, Sänf u Mayo)

-       Glüehwyy

-       Dessert

Bringet doch öies Gschänk in Form vo Biär oder Wii für öich säuber mit, das wird’s nämlech nid ha :-)

So… i gloub das wär öppe wasi z’sägä ha… i würd mi fröie we dr chiemtet.

Häbät eh gueti Wuche und eh churze Mändig

ürsu

Chrüsi-Müsi Trog

Hellöu

I ha mer überleit, wasi chönti mache, bi aber nid uf öppis schlaus cho und ha drum dänkt i mache Mau eh Trog wo aus nid unbedingt zämäpasst :-)

Am Trog vom Donschtig, 15. Novämber 2012 gits:

Apero:            Säubergmachti Schinkegipfeli
Vorspiis:          Randen Carpaccio mit emne Fischli
Houptspiis:      Lammrückenfilet mit säubergmachter Chrüterbutter, Härdöpfugratin und Herbstgmües
Dessert:          Zitronen-Tarte

Für dVegis gits nid es Schinkegipfeli sondern es Chäs-Ei Gipfeli, statt em Fischli isch uf de Rande es Geiss-Chäs Töschtli und zur Houptspiis gits eh Überraschig - sprich: i weisses no gad nid :-)

Hiä wäri dr Link zur Amäudig:

http://doodle.com/335xevmdvnb7crm9

Gruess u bis glii

ürsu

Herbst Trog

Em Wätter vo letscht Wuchenänd z'entnäh isch eigetlech scho Winter... aber i ha no eh Herbst-Trog Idee und entsprächend gits iz haut diä no... wemer Glück hei isch nächst Wuche wüescht u gruusig u de passt das ja o no gad... hahaha...

Was gits de so am Herbst-Trog vom 08. Novämber?

Apero:         Späck-Pfluume usem Bachofe (für dVegis wärdä dPfluume mit Chäs gfüllt)
Vorspiis:       Oef Mimosa ufemne Nüssler-Salat Bett
Houptspiis:   Chüngu (Zuebereitig steit no nid) mit Pommes Duchesse und Bachofezibeli
Dessert:        Zimtglace mit Rotwii-Zwätschgä

i weiss no nid gnau woni di Zwätschgä wirde härnäh, aber süsch gits de öppis ähnlechs... für dVegis: Zur Houptspiis gits entweder öppis mit Chürbis oder Süess-Härdöpfu.

När hani no öppis z'vermäude: ufgrund vore terminleche Unpässlechkeit fingt dr Trog i zwe Wuche am 15. Novämber (Donschtig) und nid am 14.11 wi akündet statt. 

Hiä wäri dr Doodle-Link zum amäude:

http://doodle.com/amnnf6vaxt4ckprd

häbät es schöns Wucheänd

ürsu

Wild (resp. Wüud) Trog

Ahoi Ahoi

S'isch Herbst und me merkts... entsprechend versuechi mi Mau amne Wild-Trog. Da Wild chli speziell isch, isch ds Menü hiä chli komisch ufglistet :-)

Apero:        Mini-Pilz Pastetli
Vorspiis:      Chürbis-Suppe
Houptspiis:  Wiud mit:
- Fleisch (muess luege wases git: Hirsch, Reh oder Gemschi wirds äuä si)
- Spätzli (oder äuä eher Chnöpfli)
- Öpfuhäuftine
- Glasierti Maroni
- Rotchruut
- Röseli-Chöli
- Preiselbeer-Sauce
Dessert:      Marroni-Chueche

I gloub das wärs öppe wases zur Houptspiis wird gäh :-)

Wasi a dere Steu no möchti sägä: dr Wiähnachtstrog findet neu nid am 22. Dezember statt sondern scho am 21. Dezember.

So... was no fäuht isch ds Doodle und das wäri hiä:

 http://doodle.com/6uuvbm7ubxacnqaa

Häbät eh schöne Tag und für diä wo di Wuche a Trog chöme: bis när

ürsu

Wintersaison

AhoiTrogbesucher

Iha mer i de Ferie eigetlech wöuä Ziit näh für mr chli Gedanke z’mache zum Trogund wi das söu wiitergoh… natürlech bini nid würklech derzue cho und ha izeifach beschlosse, dasi no wiitermache solang no es paari chöme… es git nid viunöierige nume evtl. de bi Glägäheit folgendi… i ma nüm immer es Motto suechesondern es git de, weni keni Mottos meh ha eifach es Menü!! Des Weiteren wird’siz de evtl. öppis gäh wo dr scho heit gha… bsunders dDuurgescht!

Widr gmerkt heit, findet di Wuche no keh Trog statt. Das usem Grund, dasi doch nochli Ziit bruche für mi azklimatisiere… Ab nächster Wuche geits aber de schowieder los und zwar mit fougendem Menü:

Asian-Fusionisch z’Thema und es git:

-      Saté-Spiässli mit Erdnuss-Sauce (für dVegis es Gmües-Spiessli stattPoulet)

-      Tom-Yum Soup mit emne Shrimp (für dVegis eh Mushroom statt eh Shrimp)

-      Schwiins-Filet are rote Curry Sauce mit Asiä-Gmües und Riis (für dVegiseh Sesam-Tofu)

-      Grüen-Tee Tiramisu

hiäwäri dr Doodle-Link füre Mittwuch, 24. Oktober 2012

http://doodle.com/v87zxkd3b6phykkx

fürdi Tapfere unger öich wo bis do abe hei möge läsä… hiä wärä no dDate für dinächste Trög… es git zwöi spezielli Trög und zwar folgendi:

-      Geburitrog: i mache am Samschtig, 24. Novämber zu Alass vo mim Geburi ehChürbissuppe, Glüehwyytrog uf dr Terasse. Derzue gits no säuber gmachts Brotund evtl. es Dessert-Buffet.

-      Wiähnachtstrog: am 22. Dezember gits eh Wiähnachtstrog wo ähnlech amAttempt for Six wird si. Chli tüürer aber mit Zuesatz-Ässä.

Trog Datum	Doodle Datum
Mittwuch              31. Oktober 2012	Donschtig           25. Oktober 2012
Donschtig            8. November 2012	Fritig                   2. November 2012
Mittwuch              14. November 2012	Mittwuch             7. November 2012
Samstig               24. November 2012	Mändig               19. November 2012
Mittwuch              28. November 2012	Donschtig           22. November 2012
Donschtig            6. Dezember 2012	Donschtig           29. November 2012
Mittwuch              12. Dezember 2012	Fritig                   7. Dezember 2012
Samschtig           22. Dezember 2012	Mändig               17. Dezember 2012

guet…das wärs… i hoffe dir chömet immer no fliisig und bis glii

ürsu

Anschi's Favorites (odr, dr Merci Trog)

Uhu

Es wird Ziit Mau Merci z'sägä für Ansch's Hiuf!!! Drum müesse am Mittwuch aui Karnivore liide :-)

@ Ansch: Merci für dini Hiuf a aune Trög! Dä Trog isch dir gwidmet u faus du am Mittwuch, 19.9.2012 chunsch issisch du natürlech gratis! Dis Menü isch:

Apero: Oeuf Chouffe
Vorspiis: Canneloni mit Chruutstile
Houptspiis: Steinpilz-Risotto
Dessert: Créme Brulée

Für aui wo hoffentlech trotz Vegi gliich chöme: dir zahlet natürlech wi dAnsch süsch nume 15.-!

Hiä wäri dr Doodle-Link:
http://doodle.com/c9rkxgw28kdfi5tr

Häbet eh schöne Sundig!

Ürsu

Attempt for Six

Hallo scho wieder

Auso, wi scho vor lengerer Ziit Mau akündet, wotti Mau probiere am Chrigu es sächsi für mini Chochkünscht uszriisse... er wirds zwar so oder so nid gäh (obwou er das bestrittet), aber das isch ja glich :-)

Dä Trog fingt am Samschtig, 15. Septämber 2012 statt.  es git es Menü Surprise. Das dr mr glich chöit Feedback gäh wenn dr öppis nid gärn heit, hiä si Zuetate wos git:

Apero:                         no nid definiert
Amuse Bouche:            no nid definiert
Vorspiis 1:                   Usem Meer
Vorpsiis 2:                   Fisch und Schinke
Houptspiis:                  Schwein oder Rind (no nid definiert und cha nid usgläsä wärdä)
Dessert:                      Vanille oder Schoggi (cha o nid usgläsä wärdä)

Für nech azmäude dr Doodle-Link:
http://doodle.com/tgs7suycdfdtd3d3

Ah... dVegies möchte vilech ihres o no wüssä, hä? Aso... ir Vorspiis eis gits es Ravioli-Surprise und für dVorspiis 2 gits öppis mit Pilz. Ds Apero oder ds Amuse Bouche wird eh Vegi si und dHouptspiis isch im Momänt no nid ganz definiert für dVegies. ds Dessert het keh Tiärsache drin (aso o keh Schelatine).


Faus dr keh Platz me finget... es git am Donschtig no eh Mafia Trog und dä isch no fasch ganz läär... würd mi fröie wenn öpper da o no chämt :-)

Apero:                  Negroni

Vorspeise:             Antipasti-Teller  

Hauptspeise:         Spaghetti mit Meatballs

Dessert:               Selbstgemachte Vanille-Glace im Blutbad mit Blätterteiggewehr

Für dVegis gits Quorn-Balls :-)

Hiä wäri dr Doodle-Link:

http://www.doodle.com/fmbcmmgksh27dbgn

häbät eh guete Mändig

ürsu

Mafia Trog

Ciao Ciao

Für nächste Donstig, 13. Septämber 2012 hani mer öppis us üsem südleche Nachbarland überleit. Es git eh Mafia Trog:

Apero:                  Harter Cocktail

Vorspeise:            Antipasti-Teller  

Hauptspeise:        Spaghetti mit Meatballs

Dessert:               Selbstgemachte Vanille-Glace im Blutbad mit Blätterteiggewehr

Für dVegis gits Quorn-Balls :-)

Hiä wäri dr Doodle-Link:

http://www.doodle.com/fmbcmmgksh27dbgn 

Häbät es guets Wucheänd

ürsu

Früh-Herbst Trog

Hellöu

So, dr Herbst schiint jo das Johr früh az'foh... Katastrophe so öppis :-(

Aber i due mi natürlech däm apasse und mache am Mittwuch 05. Septämber es Früh-Herbst Menü, ir Hoffnig das de dr Summer glich no es letschts Mau chunt :-)

Apero:          Blätterteigstückli
Vorspiis:        Royale mit Pilzragout und säubergmachtem Brioche (oder süsch es Brot)
Houptspiis:    Lammfilet are Peperonisauce mit Broccoli-Gmües und Polenta
Dessert:         Surprise (sprich: ha mi no nid festgleit)

I hoffe das passt nech und dir chömet zahlriich :-)

Hiä wär dr Doodle-Link:

http://www.doodle.com/kx78wppve95tygrk

Schöne Sundig Abe

ürsu

La Provence

Bonjour a tous

I ha dänkt dases solangs no chli Summer isch, no öppis summerlechs sötti gäh! Entsprächend gömer am Donstig, 30. Ougust id Provence. Fougendes Menü isch vorxeh:

Apero: Crostini mit Aubergine-Tartar
Vorspiis: Lot (Fisch) ufemne Bettli Fenchelgmües
Houptspiis: Pouletscheiche im Bachofe mit Ratatouille
Dessert: Aprikosemousse mitemne Pfirsich-Couli (oder umbekehrt)

dVegis chämte statt dr Fisch es chlises Quichli und as Pouletscheiche eh marinierte Tofu (mit Chrütli, Oliveöl und Meersalz) im Bachofe.

Dr Link zu Doodle isch:

 http://doodle.com/6mpuhmipaeicty8v

Häbät es schöns Wucheänd und hoffentlech bis am Donschtig

ürsu

Kanada-Trog

Hello

Auso... ha hüt nid mi bescht Tag, entsprächend fassi mi Mau churz :-) Chöit hoffe, dasi mi bis am Donschtig, 23. August 2012 erhout ha und denn de wenigstens aständig choche ;-)

I ha mer überleit, dasi Mau chönti probiere eh Kanda-Trog z'mache. Mit aus Sache wos ded so z'ässä git. Da ig keh Elch-Fleisch wirde finge, müesse mer is halt mit Lachs begnüege :-)

Hiä wäri z'Menü (bim Apero chas no Änderige gäh):

Apero:         Kürbis-Honig-Späck Chügeli (inspired by Nicu)
Vorspiis:      Salat mit Blaubeeri (oder süsch Waldbeeri) und Pilze amne Ahornsirup Dressing
Houptspiis:  Lachs ufemne Louch-Bettli (mit Ingwer und Muskat gwürzt) und Riis
Dessert:      Nanaimo Bars

So... hiä wäri dr Link für dAmäudige:

http://doodle.com/s6yvvkktmbbe23i3

häbät eh schönere Nami as ig :-)

ürsu 

Zitrone Trog

Hellöu Hellöu

Dr Summer isch no do und sött no bis am Mittwuch bliibe :-) Entsprächend hani probiert es summerlechs Menü zkreiere. Öppis liächts, zitronigs, passt sicher i di Wermi ine!!!

Ds Menü für am Mittwuch, 15. August isch:

Apero:         Chalts Zitronesüppli
Vorpsiis:       Es gfüllts Zucchetti-Blüete ufemne Gmüesbettli
Houptspiis:   Papardelle are Zitrone-Rahmsauce mitemne Fischli
Dessert:        Zitronemousse mitemne Coulis

I hoffe das trifft uf Gägäliäbi. Wenn ja, hiä wär dr Link zum sech ischribä

 http://doodle.com/zwzvwdueat2bumf7

Häbät eh schöne Sundig

ürsu

ps. Zucchetti-Blüete hani letscht und vorletscht Wuche im Manor xeh... fauses di Wuche kener meh het, würdi haut de müesse uf öppis angers uswiiche!!!