Dezämber und Januar

Hi There

I ha dänkt, mir mache im Dezämber vor em grosse Wiähnachts-Run no ne Trog und de abem Januar wieder zwe. 

Vilech heiter ja no nid aus verplanet im Dezämber und no Ziit zum cho verbii z'luege. D'Inahme vom Dezämber-Trog spändi ar Gassechuchi. Dir düed aso sogar öppis Guets, wenn dr chömet. Es isch:

Ziit für paar Klassiker, wiu’s wiähnachtet - 8. Dezämber 2023

Apero: Chäs-Chüechli 

Vorspiis: Mam’s Linse-Salat 

Houptspiis: Loads of shrooms mit Härdöpfu-Gratin 

Dessert: Schoggi-Mousse 

Link: https://fragab.com/yCb4hb5k

U im Januar hani dänkt, mache mer es Gmisch us Comfort-Food und Färnweh. Wiu i das denn meistens genau so ha. 

Chinaman - 13. Januar 2024

Apero: Scallion-Pancakes 

Vorspiis: Hot and Sour Soup 

Houptspiis: DanDan Noodles 

Dessert: HongKong Egg Tarts 

Link: https://fragab.com/4jE6q2Qe

 

Comfort-Food, s’isch fucking chalt - 19. Januar 2024

Apero: Beleiti Brötli Deluxe

Vorspiis: Pumpkin-Soup 

Houptspiis: Leek and Tomato Pasta Bake

Dessert: Chli Schoggi

Link: https://fragab.com/kS47623c

I hoffe, dases de einte oder angere passt und dr no Ziit heit zum cho. Faus mer is nüm xeh, wünschi öich aune afe Mau eh schöni Vor-Wiähnachtsziit u dir ghöret sicher Afang Januar wieder vo mir. 

Machets guet, ürsu

Septämber bis Novämber Trög

 

 

 

 

 

 

 

 

 

 

 

 

 

 

Hello All

 

Di erste paar Trög und Mönet ir Heimat heimer iz scho hinger is bracht und es wird Ziit füre z'luege und di nächste paar z'mache. Das dir no nid ganz usbuechet sit, hani dänkt i starte Mau gnue früeh mit schribä. Hiä wäre dDate und dMenüs füre Fau das dr Mau weit ineluege. Solang's no schön und warm isch gits Mau wieder:

Italiano - 8. Septämber 2023

Apero: Gmües-Crostini

Vorspiis: Ma certo! Caponata!

Houptspiis: Lasagne

Dessert: Sorbetto di Pere

Link: https://fragab.com/3P7Evvwd

När isch vilech de einte oder angere hinlänglech bekannt, dasi mi gärn über di spanischi Sprach und Chuchi due usloh. Was natürlech nid ganz korräkt isch :-) Drum isch Mau Ziit für:

Stop hating on the Spaniards - 29. Septämber 2023

Apero: Pimentos al Padron

Vorspiis: Tortilla Española

Houptspiis: Veggie-Paella

Dessert: Crema Catalan

Link: https://fragab.com/Yps4EHem

U wemer scho bi de spanisch-sprächende Länder si, de kennt me ja mini grossi Zueneigig zu Latin-Amerika und drum müesster da wieder Mau düre:

Entonces... - 14. Oktober 2023

Apero: Mini Tacos al BBQ

Vorspiis: Ceviche al Hongo

Houptspiis: Enchiladas

Dessert: Flan Cacero

Link: https://fragab.de/Vm2esXdg

Da immer öppe wieder eine muulet dases ging nume no vegi git hiä:

Finally... some meat... muahahaha - 27. Oktober 2023

Apero: Lachs-Brötli (... abr mit Rüebli)

Vorspiis: Carpaccio (... aber mit Rande)

Houptspiis: Some Meatballs

Dessert: Kougin Amman

Link: https://fragab.com/tSdfgkZg

De wäre mer iz scho im Novämber und somit fasch scho im Winter und iz wirds Ziit für chli vo inne z'werme. Drum gömer doch Mau i eis vo mine absolute Liäblingsländer und mache eine uf...

Dabbawallah - 10. Novämber 2023

Apero: Ladakhi Momos

Vorspiis: Bhel Puri

Houptspiis: Biryani the real way

Dessert: Zitrone-Pudding

Link: https://fragab.de/T7BZSTgg

Und zum Schluss isch natürlech o wieder Mau Ziit für öppis Heimat. I gloub, für dFleischfrässer isch d'Wild-Saison zwar scho fasch wieder fertig. Aber hiä gits je keh Wiud sondern Schwümm und drum simer:

Wüud uf Wild - 18. Novämber 2023

Apero: Chäs-Chüechli

Vorspiis:Nüssli-Salat mit Ei und Crouton

Houptspiis: Spätzli, Rotchruut, Shrooms, Öpfle und Röseli-Chöhli

Dessert: Vanille-Creme und Rotwii-Pfluume

Link: https://fragab.com/7CTnJ8Yn

So. I wünsche öich aune eh schöne Namitag und vilech bis glii Mau. 

Ürsu

Have you eaten?

Hi All

Wi dir vilech wüsst oder scho vernoh heit, si mir zrügg vo üsere Reis. DFröid haltet sech bi mir i sehr ängä Gränzä und drum muess me iz Ougemerk uf dZuekunft legge und uf was eim Fröid macht.

I däm Sinn hei mir üs entschiede, das mir üsi Wohnig wieder as Trog-Location düe bruuche. 

Für aui diä wo nid, nüm oder no nid wüssä wi das es geit:

Trog: I choche für 7 Lüüt bi üs deheime. Dir döft Fründe, Familiä, Ahängsu etc. mitnäh u o dr Blog, resp. ds Whatsapp wiiterleite. U müesst nech mit de Links unge a de Menüs iträgä. We vou isch, isch vou. Es git immer Apero, Vorspiis, Houptspiis u Dessert. Aus isch Vegi u dir müesst öii Getränk säuber mitnäh. Kafi, Tee & Schnaps zum Schluss si inklusive. 

Amäudige: immer über dLinks unge a de Menüs

Azahl Lüüt: Max. 7 chöi sech amäude

Ort: Mittelstrasse 66, 3012 Bern

Chöschte: 35.- pro Person für Apero, Vorspiis, Houptspiis und Dessert

Mitbringe: Sini eigete Getränk

I gloub, viu meh muess me nid wüssä. Vilech tüüschi mi aber ou. U i däm Fau döfter mer gärn schribä und i due nech's erklärä.

 

Auso. Here we go. I ha mer afe füf Menüs überleit. Eno seit immer, das dr Tüüfu mi ständig Begleiter sigi. Und drum föhmer doch ah mit:

The Devil's Playground - 30. Juni 2023

Apero: Gfüllti Tüüfeli

Vorspiis: Devil's Eggs

Houptspiis: Homemade Chili-Noodles mit Sugo Especiale

Dessert: Crème Brulée

Link: https://fragab.com/6PKSYZnj

Natürlech ischs scho nachere Wuche deheime so, das mer Japan sehr vermisse. U drum bruuchts unbedingt:

Missing Japan - 14. Juli 2023

Apero: Beer Snacks

Vorspiis: Some Dumplings

Houptspiis: 油そば (Anschi‘s Favorite)

Dessert: Matcha-パフ

Link: https://fragab.com/jXptHq9m

 

Langsam sött de o üsi Garteproduktion aglüffe si. U hoffentlech finge mer ded o paar Sache wo mer füre Trog chöi bruuche:

Summertime = Garteziit - 29. Juli 2023

Apero: Zucchini-Fritters

Vorspiis: Chalti Gurkesuppe

Houptspiis: Pap's chalti Tomate-Nuudle

Dessert: Brombeer-Türtli (vilech sis de o Himbeeri oder so...)

Link: https://fragab.com/xZ49qpmd

 

Iz isch scho Ougust und...

...s'isch heiss (Abchüele) - 5. Ougust 2023

Apero: Gazpacho-Shots

Vorspiis: Fattoush-Salad

Houptspiis: Kokos-Riis, Mango-Salsa und BBQ Jackfruit

Dessert: Iced-Tea

Link: https://fragab.com/T7Qb2K9h

 

Mir müesse unbedingt wieder Mau öppis frittiere. U das das räntiert, mache mer gad verschiednegi Sache. U somit git das:

Nicu's Favorites - 25. Ougust 2023

Apero: Spring-Rolls

Vorspiis: da muess mer ne no frage - löht nech la überrasche

Houptspiis: Thai Fried Rice

Dessert: Tarte aux Pommes

Link: https://fragab.com/xnN3XT4g

So isch das. I hoffe, dass vilech di Einti oder dr Anger Inträssä het wieder zu üs cho z'ässä. Luege mer Mau was da usechunt. Uf au Fäu wünsche mer öich aune eh schöne Tag und eh schöni Summerziit. 

Vilech bis glii, Ürsu & Ansch